‘బనకచర్ల’ విషయంలో మొత్తం తెలంగాణ ఏకమై మాట్లాడుతోంది.. CM చంద్రబాబు కీలక వ్యాఖ్యలు

దిశ, వెబ్‌డెస్క్: బనకచర్ల ప్రాజెక్ట్‌(Banakacharla Project)పై ఆంధ్రప్రదేశ్ ముఖ్యమంత్రి చంద్రబాబు(CM Chandrababu) మరోసారి కీలక వ్యాఖ్యలు చేశారు. మంగళవారం ఆయన మంత్రులతో సచివాలయం వేదికగా సమావేశం నిర్వహించారు. ఈ సందర్భంగా మాట్లాడుతూ.. పోలవరం బనకచర్లపై తెలంగాణ(Telangana) వాళ్లు అందరూ ఏకమై మాట్లాడుతున్నారు.. మనం కూడా మన వాదన వినిపించాలని మంత్రులకు సూచించారు. తెలంగాణలో వాళ్లు అనుమతి లేని ప్రాజెక్టులు ఎన్నో కడుతున్నారు.. వాళ్లు వాడుకోగా మిగిలిన నీళ్లే మనం వాడుకుంటున్నాం.. ఈ విషయాన్ని రెండు రాష్ట్రాల ప్రజలకు క్లియర్‌గా అర్ధం చేయించాలి. ఈ అంశాన్ని వాళ్లు రాజకీయం చేస్తున్నారు.. దానికి ముందే మనం ప్రజలకు అర్థమయ్యే రీతిలో మనం వివరించాలని మంత్రులకు సీఎం చంద్రబాబు సూచించారు. మరోవైపు.. బనకచర్ల ప్రాజెక్టుపై ఏ విధంగా ముందుకెళ్లాలనే విషయమై సోమవారం నిర్వహించిన తెలంగాణ మంత్రివర్గ సమావేశంలో కీలక నిర్ణయం తీసుకున్నారు. ఎట్టి పరిస్థితుల్లో ప్రాజెక్ట్‌ను అంగీకరించేది లేదని తేల్చి చెప్పారు. అడ్డుకొని తీరాలని నిర్ణయించారు. తెలంగాణ ప్రయోజనాలను దెబ్బతీసే విధంగా ఆంధ్రప్రదేశ్​సర్కార్ వ్యవహరిస్తున్నదని, ఇప్పటికే రాష్ట్ర ప్రభుత్వం పలుమార్లు కేంద్రానికి ఫిర్యాదు చేసిన విషయం తెలిసిందే.