Srikalahasti Brahmotsavam: సీఎం జగన్‌కు ఆహ్వానం

దిశ, డైనమిక్ బ్యూరో: శ్రీ‌కాళ‌హ‌స్తీశ్వర‌స్వామి మ‌హాశివ‌రాత్రి బ్రహ్మోత్సవాల‌కు విచ్చేయాలని ముఖ్యమంత్రి వైఎస్ జగన్‌ను శ్రీకాళహస్తి ఎమ్మెల్యే బియ్యపు మధుసూదన రెడ్డి, ఆల‌య‌ ట్రస్ట్‌ బోర్డ్‌ ఛైర్మన్‌ తారక శ్రీనివాసులు, ఈవో సాగర్‌‌బాబు ఆహ్వానించారు. ఈ నెల 13 నుంచి 26 వ‌ర‌కు శ్రీ కాళహస్తిలో మహాశివరాత్రి బ్రహ్మోత్సవాలు జ‌ర‌గ‌నున్నాయి. ఈ మేరకు తాడేప‌ల్లిలోని సీఎం క్యాంపు కార్యాల‌యంలో ముఖ్యమంత్రి వైఎస్ జ‌గ‌న్‌ను మ‌ర్యాద‌పూర్వకంగా క‌లిసి స్వామివారి తీర్ధప్రసాదాలు, శేషవస్త్రాలను అంద‌జేశారు. అనంత‌రం వేద‌పండితులు ముఖ్యమంత్రికి వేదమంత్రాలతో ఆశీర్వచనం అందజేశారు. అనంత‌రం సీఎంకు బ్రహ్మోత్సవాల ఆహ్వాన‌ప‌త్రిక‌నూ అంద‌జేశారు.