మంత్రి పెద్దిరెడ్డికి కాణిపాకం లడ్డు అందజేత

దిశ, కాణిపాకం: కాణిపాకం సిద్ధి బుద్ధి సమేత స్వయంభూ వరసిద్ధి వినాయక స్వామి బ్రహ్మోత్సవాల్లో 21 రోజుల పాటు నైవేధ్యంగా పెట్టిన లడ్డులను వేలం పాట వేశారు. మొత్తం 21 లడ్డులను ఈ వేలంలో లక్షా ఇరవై ఎనిమిది వేలు చెల్లించి అగరంపల్లికి చెందిన చరణ్ రెడ్డి దక్కించుకున్నారు. ఆంధ్రప్రదేశ్ విద్యుత్ శాఖ మంత్రివర్యులు పెద్దిరెడ్డి రామచంద్రారెడ్డికి, యువనేత ఎంపి పెద్దిరెడ్డి వెంకటమిధున్ రెడ్డికి ఈ ప్రసాదాన్ని అందజేశారు. ఈ సందర్భంగా శైలజ చరణ్ రెడ్డి దంపతులు మాట్లాడుతూ వచ్చే ఎన్నికల్లో 175 సీట్లతో వైసీపీ అధికారంలోకి రావాలని కోరుకున్నట్లు తెలిపారు. ఈ కార్యక్రమంలో మాజీ ఆలయ కమిటీ చైర్మన్ జగన్నాథరెడ్డి, సురేష్ రెడ్డి, మోహన్ తదితరులు పాల్గొన్నారు.