ఓ ఇంటివాడైన బెల్లంకొండ శ్రీనివాస్.. తిరుమలలో వైభవంగా వివాహం

దిశ, వెబ్ డెస్క్: టాలీవుడ్ యంగ్ హీరో బెల్లంకొండ సాయి శ్రీనివాస్(Hero Bellamkonda Sai Srinivas) వివాహ(marriage) బంధంలోకి అడుగుపెట్టారు. తిరుమల క్షేత్రంలోని కర్ణాటక అతిథి భవనం సమీపంలో ఉన్న కళ్యాణ మండపంలో ఆయన కావ్య మెడలో మూడుముళ్లు వేశారు. అత్యంత వైభవంగా జరిగిన ఈ వేడుకలో వేద మంత్రాల సాక్షిగా, సన్నిహితుల సమక్షంలో ఈ జంట ఒక్కటైంది. శ్రీనివాస్ తన కొత్త జీవితాన్ని వేంకటేశ్వర స్వామి ఆశీస్సులతో ప్రారంభించడం విశేషం.

ప్రముఖుల సందడి

ఈ వివాహ వేడుకకు రాజకీయ, సినీ రంగాలకు చెందిన పలువురు ప్రముఖులు విచ్చేసి సందడి చేశారు. తెలంగాణ డిప్యూటీ సీఎం భట్టి విక్రమార్క, టీటీడీ ఛైర్మన్ బీఆర్ నాయుడుతో పాటు టాలీవుడ్‌కు చెందిన పలువురు నూతన వధూవరులను ఆశీర్వదించారు. ప్రస్తుతం సోషల్ మీడియాలో ఈ పెళ్లికి సంబంధించిన ఫోటోలు వైరల్ అవుతుండగా, అభిమానులు బెల్లంకొండ శ్రీనివాస్-కావ్య జంటకు పెద్ద ఎత్తున శుభాకాంక్షలు తెలుపుతున్నారు.