Tirupati: సీబీఐ వలలో జీఎస్టీ అధికారులు.. కేసు నమోదు

దిశ, వెబ్ డెస్క్: తిరుపతి(Tirupati)లో విశాఖ సీబీఐ అధికారులు(Visakha CBI Officers) దాడులు నిర్వహించారు. జీఎస్టీ అధికారులు లంచం(Bribe) డిమాండ్ చేశారన్న సమాచారంతో పక్కాగా తనిఖీలు నిర్వమించారు. రూ. 3 లక్షలు లంచం తీసుకుంటున్న ఇన్‌స్పెక్టర్ మాద బాలాజీని అదుపులోకి తీసుకున్నారు. అబ్సల్యూట్ షైన్ సంస్థ(Absolute Shine Company) యజమాని నుంచి బాలాజీ లంచం డిమాండ్ చేశారు. దీంతో విశాఖ సీబీఐ అధికారులను ఫిర్యాదు చేశారు. ఈ ఫిర్యాదు మేరకు తిరుపతికి వెళ్లిన సీబీఐ అధికారులు బాలాజీని పట్టుకున్నారు. అంతేకాదు అసిస్టెంట్ కమిషనర్ జగన్నాథ్ ప్రసాద్, సూపరింటెండెంట్ జగన్నాయక్‌పై ఆరోపణలు రావడంతో ఇద్దరిపైనా కేసులు నమోదు చేశారు. శాఖపరమైన చర్యలు తీసుకోవాలని సీబీఐ అధికారులు సూచించారు.