Posani Krishna Murali:నటుడు పోసాని కృష్ణమురళికి మరో షాక్!

దిశ,వెబ్‌డెస్క్: APFDC మాజీ ఛైర్మన్(Former Chairman) పోసాని కృష్ణమురళి(Posani Krishnamurali)కి మరో షాక్ తగిలింది. ఆయన తరపు న్యాయవాది రైల్వే కోడూరు కోర్టులో బెయిల్ పిటిషన్ దాఖలు చేయగా జడ్జి విచారణకు స్వీకరించలేదు. రేపటి నుంచి ట్రైనింగ్‌కు వెళ్తున్నందున ఆయన ఈ నిర్ణయం తీసుకున్నారు. ఈ క్రమంలో రేపు, ఎల్లుండి(శని, ఆదివారం) సెలవు కావడంతో సోమవారమే విచారణ జరిగే అవకాశం ఉంది. అయితే సినీ ఫ్యాన్స్, రాజకీయ పార్టీల మధ్య విద్వేషాలు, వైషమ్యాలు రెచ్చగొట్టేలా వ్యవహరించారని నటుడు పోసాని పై కేసు నమోదైన సంగతి తెలిసిందే. ఈ కేసులో పోసాని కృష్ణ మురళిని అరెస్ట్ చేసి అన్నమయ్య జిల్లా కోడూరు న్యాయమూర్తి ఎదుట హాజరుపరచగా.. ఇరువర్గాల వాదనలు విన్న ధర్మాసనం పోసానికి 14 రోజుల రిమాండ్ విధించిన విషయం తెలిసిందే. దీంతో పోలీసులు ఆయనను రాజంపేట సబ్‌జైలుకు తరలించారు.