మరో బాణసంచా పేలుడు.. భయంతో పరుగులు తీసిన స్థానికులు
వేట్లపాలెం పేలుడు ఘటన మర్చిపోకముందు రాష్ట్రంలో ఇదే తరహా ఘటన మరోచోట భయాందోళనలను కలిగించింది. అయితే ఇక్కడ సకాలంలో మంటలార్పడం, ఆదివారం కావడంతో పెను ప్రమాదం తప్పింది. ..
దిశ, వెబ్ డెస్క్: వేట్లపాలెం పేలుడు(Vetlapalem explosion) ఘటన మర్చిపోకముందు రాష్ట్రంలో ఇదే తరహా ఘటన మరోచోట భయాందోళనలను కలిగించింది. అయితే ఇక్కడ సకాలంలో మంటలార్పడం, ఆదివారం కావడంతో పెను ప్రమాదం తప్పింది. ఈ ఘటన విశాఖ జిల్లా గోపాలపట్నంలో జరిగింది. గోపాలపట్నం రజకవీధిలో ఒక్కసారిగా బాణసంచా పేలుడు చోటు చేసుకుంది. అయితే కొందరు స్థానికులు అప్రమత్తమయ్యారు. సకాలంలో మంటలార్పారు. దీంతో ప్రాణ నష్టం తప్పింది
ఈ ఘటనతో..
అయితే ఈ ఘటనతో మరికొందరు స్థానికులు భయాందోళనకు గురయ్యారు. ఘటనా స్థలం నుంచి దూరంగా పరుగులు తీశారు. జనావాసాల మధ్య పెద్ద ఎత్తున బాణసంచా తయారీ చేస్తుండంతో తీవ్ర ఆందోళన వ్యక్తం చేశారు. ఈ మేరకు గోపాలపట్నం పోలీసులు ఘటనాస్థలాన్ని పరిశీలించారు. కేసు నమోదు చేసి దర్యాప్తు చేస్తున్నారు. నిందితులను గుర్తించి చర్యలు తీసుకుంటామని తెలిపారు.
Next Story
