SK University: పరిశోధక విద్యార్థి ఆత్మహత్యాయత్నం

దిశ, అనంతపురం: శ్రీకృష్ణదేవరాయ విశ్వవిద్యాలయంలో పీహెచ్‌డీ స్కాలర్ ఆత్మహత్య చేసుకున్నారు. రామగిరి మండలం శేషంపల్లికి చెందిన ఆంజనేయులు గణిత శాస్త్ర విభాగంలో పరిశోధక విద్యార్థిగా ఉన్నారు. స్థానిక హాస్టల్‌లో ఉంటున్నారు. ఏమైందో తెలియదు గాని పురుగుల మందు తాగి బలవన్మరణానికి యత్నించాడు. అపస్మారకస్థితిలో ఉన్న ఆంజనేయులును తోటి విద్యార్థులు ఆసుపత్రికి తరలించారు అప్పటికే ఆరోగ్య పరిస్థితి విషమించడంతో కుటుంబసభ్యులు ప్రైవేట్ ఆస్పత్రికి తరలించారు. ప్రస్తుతం ఆంజనేయులుకు ఐసీయూలో చికిత్స అందిస్తున్నారు. అయితే ఈ అఘాయిత్యానికి గల కారణాలు తెలియాల్సి ఉంది. పోలీసులు కేసు నమోదు చేసి దర్యాప్తు చేపట్టారు.