రోడ్డు ప్రమాదంలో మహిళ మృతి

దిశ, డైనమిక్ సూళ్లూరుపేట: ఆగి ఉన్న లారీని కారు ఢీకొన్న ఘటనలో కారులో ప్రయాణిస్తున్న మహిళ మృతి చెందింది. ఈ ఘటన నాయుడుపేట- పూతలపట్టు జాతీయ రహదారి రింగ్ రోడ్డుపై బుధవారం తెల్లవారుజామున జరిగింది. వివరాల మేరకు నాయుడుపేట పట్టణం, రాజగోపాలపురంకు చెందిన ఓ కుటుంబం తిరుపతికి వెళ్లి తిరిగి వస్తున్నారు. కొద్ది గంటల్లో ఇంటికి చేరుకుంటారనుకునే లోగా ఈ ప్రమాదం జరిగింది. ఈ ప్రమాదంలో సొల్లేటి ప్రవీణ అనే మహిళ ప్రాణాలు పోగొట్టుకుంది. కారులో ప్రయాణిస్తున్న పలువురికి గురయ్యారు. వీరిని దగ్గరిలోని ఆస్పత్రికి తరలించారు. ఘటన స్థలంలోని మృతదేహాన్ని పోలీసులు నాయుడుపేట ప్రభుత్వ ఆసుపత్రికి తరలించారు. పోలీసుల కేసు నమోదు చేసి దర్యాప్తు చేస్తున్నారు.