గర్భిణులకు రంగమ్మత్త కిట్స్

జబర్దస్త్ యాంకర్ అనసూయ ఈ రోజు (మే 15న) పుట్టినరోజు జరుపుకుంది. అయితే ఈ పుట్టినరోజును మాత్రం జీవితంలో ఎప్పుడూ మరిచిపోలేనని చెప్తోంది. అంతేకాదు ఈ బర్త్‌డే ఎప్పటికీ బెస్ట్ అని అంటోంది. కారణమేంటంటే.. తన జన్మదినం సందర్భంగా ఈ రంగమ్మత్త సేవాకార్యక్రమాల్లో పాల్గొనడమే.

కరోనా మహమ్మారి విజృంభిస్తున్న సమయంలో..

రాచకొండ పోలీసులు గర్భిణులు, పుట్టబోయే బిడ్డల రక్షణను దృష్టిలో ఉంచుకుని న్యూట్రిషన్ కిట్స్ అందించి.. వారిలో ధైర్యాన్ని నింపే ప్రయత్నం చేస్తున్నారు. జవహర్ నగర్, యాచారం, మల్కాజిగిరి పోలీస్ స్టేషన్ల పరిధిలో ఈ కార్యక్రమం ప్రారంభించారు కూడా. ఇందులో భాగంగా అనసూయ శుక్రవారం తన పుట్టినరోజును పురస్కరించుకుని గర్భిణులకు హెల్ప్ చేశారు. కీసర ప్రాథమిక ఆరోగ్య కేంద్రం పరిధిలోని 100 మంది ప్రెగ్నెంట్ లేడీస్‌కు న్యూట్రిషన్ కిట్స్ అందించారు. ఈ కార్యక్రమంలో రాచకొండ సీపీ మహేష్ భగవత్ పాల్గొన్నారు.

Thank you for allowing me Sir and for being there!! My best birthday ever!! Indebted to all the Police and Medical personnel who are taking care of all of us during these pandemic times!! 🙏🏻#StayHomeSaveLives #StayHomeStaySafe #SocialDistancingWorks #QuarantineBirthday https://t.co/Wkx3tgG67x

— Anasuya Bharadwaj (@anusuyakhasba) May 15, 2020

కాగా అనసూయ చేసిన ఈ సహాయానికి నెటిజన్లు ప్రశంసల వర్షం కురిపిస్తున్నారు. ఉన్న దాంట్లో ఎంతో కొంత సాయం చేయాలన్న రంగమ్మత్త ఆలోచనను అభినందిస్తున్నారు.