కరోనాను జయించాడు.. ఇంతలోనే దారుణం..

దిశ, వెబ్‌డెస్క్ : ఓ వృద్దుడు కరోనాతో పోరాడి జయించాడు. ఇంతలోనే రోడ్డు ప్రమాదంలో తుది శ్వాస విడిచాడు. ఈ విషాదకర ఘటన మెదక్ జిల్లాలోని తుప్రాన్ మండలంలో చోటుచేసుకుంది. వివరాల ప్రకారం.. తుప్రాన్ మున్సిపాలిటీ పరిధిలోని రావెలికి చెందిన నన్నేమియా(75), ఆయన భార్య.. ఇద్దరూ ఒకేసారి కరోనా బారిన పడ్డారు. హోం ఐసోలేషన్‌లో ఉండి వారు కరోనాను జయించారు. ఈ క్రమంలో ద్విచక్ర వాహనంపై కూరగాయలు తెచ్చుకునేందుకు నన్నేమియా.. తుప్రాన్ వైపు వెళ్తుండగా డీసీఎం వ్యాన్ బైకును ఢీకొట్టింది. దీంతో అతడు అక్కడికక్కడే మృతి చెందాడు. కరోనాను జయించినప్పటికీ రోడ్డు ప్రమాదంలో మృతిచెందడంతో.. భార్య, కుటుంబ సభ్యుల్లో తీవ్ర విషాదం నెలకొంది.