సహోద్యోగినిని అత్యాచారం చేసిన ఎయిర్ ఫోర్స్ ఆఫీసర్ అరెస్ట్

దిశ, వెబ్ డెస్క్: ప్రభుత్వ ఉద్యోగి అంటే ప్రత్యేకమైన గౌరవం ఉంటుంది. ఎందుకంటే వాళ్ల క్రమశిక్షణ, నడవడికతోపాటు వారిని ఏ విషయంలో చూసినా ఇతరులు ఆదర్శంగా తీసుకునేలా ఉంటారు. అందుకే వాళ్లను సమాజంలో ఎక్కువగా గౌరవిస్తుంటారు. కానీ, ఒకతను మాత్రం అగౌరవంగా ప్రవర్తించాడు. సహోద్యోగినితో గౌరవంగా ఉండాల్సిన అతను ఆమెపై అత్యాచారానికి పాల్పడ్డాడు. వివరాల్లోకి వెళితే..

సహోద్యోగిపై అత్యాచారానికి పాల్పడిన భారత వైమానిక దళ అధికారిని(ఎయిర్ ఫోర్స్ ఆఫీసర్) తమిళనాడు పోలీసులు అరెస్ట్ చేశారు. ఈ విషయంపై పోలీసులు ఓ మీడియాతో మాట్లాడుతూ.. “అవును, ఆదివారం అతడిని అరెస్టు చేశారు. అదేవిధంగా అతడిని రెండు రోజుల జ్యుడీషియల్ కస్టడీకి పంపారు” అని వారు తెలిపారు. నిందితుడు 29 ఏళ్ల ఫ్లైట్ లెఫ్టినెంట్ అని, ప్రస్తుతం అతను ఎయిర్ ఫోర్స్ కాలేజీలో శిక్షణలో ఉన్నట్లు కూడా అందులో పేర్కొన్నారు. ఇందుకు సంబంధించిన పూర్తి సమాచారం ఇంకా తెలియాల్సి ఉంది.