కరోనాపై హైకోర్టు వ్యాఖ్యలు స్వాగతిస్తున్నాం..

దిశ, వెబ్ డెస్క్: కరోనా కేసుల విషయంలో ప్రభుత్వ తీరుపై హైకోర్టు పదేపదే తీవ్ర ఆగ్రహం వ్యక్తం చేయడంతో పాటు ప్రభుత్వ ప్రధాన కార్యదర్శితో పాటు ప్రభుత్వ వైద్య ఆరోగ్యశాఖ కార్యదర్శి, జీహెచ్‌ఎంసీ కమిషనర్‌ కూడా మంగళవారం హైకోర్టు విచారణకు హాజరయ్యారు. ఈ విచారణలో ప్రభుత్వానికి కోర్టు పలు ఆదేశాలు జారీ చేసింది. దీనిపై ఏఐసీసీ కార్యదర్శి సంపత్ కుమార్ స్పందించారు. ఈ సందర్భంగా ఆయన మాట్లాడుతూ.. కరోనా కట్టడిలో ప్రభుత్వంపై హైకోర్టు వ్యాఖ్యలను స్వాగతిస్తున్నట్టు తెలిపారు. ప్రజల ఆవేదనకు, మనోభావాలకు ఏబీఎన్ ఆంధ్రజ్యోతి వేదిక అనే నమ్మకాన్ని కలిగించిందన్నారు. కరోనా మరణాలపై ఏబీఎన్ కథనాలను నమ్ముతున్నట్టు హైకోర్టు చేసిన వ్యాఖ్యలు ప్రభుత్వానికి చెంపపెట్టు అన్నారు.