కల నేరవేరుతుంది: ఆదితిరావు

నటుడు ధనుష్‌తో కలిసి నటించాలన్న తన కల తప్పక నేరవేరుతుందని నటి ఆదితిరావు ఆశాభావం వ్యక్తం చేశారు. ప్రస్తుతం ఆదితి మణిరత్నం దర్శకత్వంలో ‘పొన్నియిన్ సెల్వన్’ చిత్రంలో నటిస్తోంది. కాగా, 2018లో ఆమె ధనుష్‌తో కలిసి ఓ తమిళ చిత్రంలో నటించనున్నట్టు వార్తలు వచ్చాయి. కానీ, ఆ చిత్రం ప్రకటనలకే పరిమితమైంది. నిర్మాణ పనులు ప్రారంభం కాలేదు. ఈ విషయమై విలేకరులు అడగ్గా..ఆమె స్పందిస్తూ ధనుష్ చిత్రంలో తాను తప్పక నటిస్తాననీ, త్వరలో నిర్మాణ పనులు ప్రారంభమవుతాయని, దర్శకుడిగానూ ధనుష్ సత్తా చాటుతారని ఆదితి తెలిపారు.