అద్భుతమైన చిట్టడివి.. రాష్ట్రం మొత్తం సృష్టిస్తాం

దిశ, మునుగోడు: యాదాద్రి-భువనగిరి జిల్లా చౌటుప్పల్ మున్సిపాలిటీ పరిధిలోని యాదాద్రి మోడల్ పార్క్‌ను అడిషనల్ సెక్రటరీ శాంతకుమారి బుధవారం సందర్శించారు. ఈ సందర్భంగా శాంతకుమారి మాట్లాడుతూ.. రాష్ట్రంలో మియావకి విధానంలో అద్భుతమైన చిట్టడివిని సృష్టించి విజయవంతం అయిన జిల్లా అటవీ శాఖ అధికారులను అభినందించారు.

రాష్ట్రం మొత్తం ఖాళీ స్థలాల్లో ఈ విధానంలో అడవిని సృష్టించే విధంగా కృషి చేస్తామన్నారు. ఈ కార్యక్రమంలో యాదాద్రి జిల్లా కలెక్టర్ అనితారామచంద్రన్, అడిషనల్ పీసీఎఫ్ చంద్రశేఖర్ రెడ్డి, జిల్లా అటవీ శాఖ అధికారి వెంకటేశ్వరరెడ్డి, చౌటుప్పల్ రేంజ్ ఆఫీసర్ సర్వేశ్వరావు పాల్గొన్నారు.