ది ఫ్యామిలీ మెన్‌‌ లీడ్ యాక్టర్‌కు పాజిటివ్..

దిశ, వెబ్‌డెస్క్ : ది ఫ్యామిలీ మెన్ వెబ్ సిరీస్‌‌తో పాన్ ఇండియా లెవల్‌లో గుర్తింపు తెచ్చుకున్న విలక్షణ నటుడు మనోజ్ బాజ్‌పేయ్ కరోనా బారిన పడ్డాడు. ‘డెస్పాచ్’ మూవీ చిత్రీకరణలో బిజీగా ఉన్న బాజ్‌పేయ్‌కు కరోనా పరీక్షలు నిర్వహించగా పాజిటివ్ నిర్ధారణ అయింది. అంతకుముందు ఆ మూవీ డైరక్టర్‌కు కరోనా సోకడంతో బాజ్‌పేయ్ కూడా టెస్టులు చేయించుకున్నారు.

డైరెక్టర్, యాక్టర్‌కు పాజిటివ్ రావడంతో డెస్పాచ్ మూవీ షూటింగ్ ఆగిపోయింది. దీంతో ఆయన క్వారంటైన్ లోనికి వెళ్లిపోయారు. మనోజ్ బాజ్‌పేయ్ కరోనాకు చికిత్స పొందుతున్నారని, ప్రస్తుతం కోలుకుంటున్నట్లు చిత్రబృందం ఓ ప్రకటనలో పేర్కొంది. కాగా, ఈయన తెలుగులో వేదం, హ్యాపీ వంటి సినిమాల్లో నటించారు.