న్యాయం చేస్తారా? నన్ను దూకమంటారా?

దిశ,మహేశ్వరం: తనకు న్యాయం కావాలంటూ హై టెన్షన్ ఫోల్ ( విద్యుత్ టవర్ ) ఎక్కి హల్చల్ చేసాడు ఒక యువకుడు. రంగారెడ్డి జిల్లా కందుకూరు మండలం దెబ్బడగూడ గ్రామానికి చెందిన డేరంగుల రాజు వ్యవసాయ భూమిని పండిస్తూ జీవనం కొనసాగిస్తున్నాడు. అయితే గత కొద్దిరోజుల క్రితం తన భూమిని కొంతమంది వ్యక్తులు కుట్ర పూరితంగా తీసుకున్నారు. ఈ విషయమై ఎంతమంది అధికారుల వద్దకు వెళ్లినా అక్కడ అతనికికి చుక్కెదురయింది. దీంతో తన భూమిని వారి వద్ద నుండి విడిపించుకోవడానికి విద్యుత్ టవర్ ఎక్కి సుమారు 2 గంటల పాటు నిరసన తెలిపాడు. భూమి లేకపోతే తనకు జీవనం లేదని, తన భూమిని వారి వద్ద నుండి విడిపించేవరకు దిగిరానని మొండికేసాడు. సమాచారం అందుకున్న పోలీసులు ఘటనా స్థలానికి చేరుకొని యువకుడికి న్యాయం చేస్తామని సర్ది చెప్పి కిందకు దింపారు.