మైక్ లాక్కున్న కుక్క… లైవ్ ఆపేసిన యాంకర్
దిశ, వెబ్ డెస్క్: ఒక పెద్ద టీవీ ఛానెల్.. వాతావరణ సూచన టాపిక్ పై లైవ్ నడుస్తుంది… యాంకరమ్మ గల గల మాట్లాడుతూ విషయాలను స్టూడియో లో ఉన్న మరో యాంకరమ్మ కు వివరిస్తుంది. అంతలోనే అనుకోకుండా ఒక అనుకోని అతిధి కెమెరా ముందుకు వచ్చింది.. దీంతో ఆ లైవ్ టెలికాస్ట్ కాస్తా వైరల్ అయ్యి కూర్చుంది. ఇంతకీ ఆ అనుకోని అతిధి ఎవరో తెలియాలంటే ఈ వీడియో చూడాల్సిందే. సాధారణంగా పెంపుడు జంతువులు చేసే అల్లరి మాములుగా ఉండదు. అందులోను విశ్వాసంగా ఉండే శునకాల అల్లరి భరించడం చాలా కష్టమే సుమా! తాజాగా ఒక కుక్క చేసిన అల్లరి పనికి ఒక పాపులర్ టీవీ ఛానెల్ పరువు పోగొట్టుకుంది.
A dog in Russia grabbed the reporter's microphone and ran away during a live broadcast pic.twitter.com/R1T8VZ5Kpt
— Ali Özkök (@Ozkok_A) April 2, 2021
రష్యా లోని ఒక పాపులర్ టీవీ ఛానెల్ యాంకర్ నడెజా… ఎప్పటిలాగానే ఆ రోజు కూడా లైవ్ వాతావరణ వార్తల కోసం రోడ్డు మీద నిలబడి మైక్ పట్టుకొని వార్తలను రిపోర్టింగ్ చేస్తుంది. ఇంతలో సడెన్ గా ఎక్కడినుండి వచ్చిందో ఒక కుక్క వచ్చి ఆ మైక్ ని లాగేసుకొని పరిగెత్తింది. వెంటనే ఆ మైక్ కోసం నడెజా కూడా కుక్క వెనకాల పరిగెత్తింది. ఇక ఇదంతా లైవ్ లో చూస్తున్న ప్రేక్షకులు ఒక్కసారిగా అవాక్కయ్యి.. ఆ తర్వాత నవ్వుకోవడం మొదలు పెట్టారు. ఇక ఇందంతా స్టూడియోలో చూస్తున్న మరో యాంకర్ అక్కడితో ప్రోగ్రాం కి ఫుల్ స్టాప్ పెట్టి వెళ్ళిపోయింది. ప్రస్తుతం ఈ వీడియో నెట్టింట వైరల్ గా మారింది. రష్యాలో కుక్కలు సైతం రిపోర్టింగ్ చేస్తాయి…. ఏ రిపోర్టింగ్ చేయడానికి కుక్క మైక్ పట్టుకొని పోతుందో? అంటూ నెటిజన్లు కామెంట్లు పెడుతున్నారు.
