తీవ్రస్థాయికి చేరుకున్న Ocean Acidity.. ప్రమాదంలో మనిషి మనుగడ?

దిశ, వెబ్‌డెస్క్: సముద్రాల్లో ocean acidity (ఆమ్లత్వం) పెరగడం భూమి ఆరోగ్యానికి ఒక ముఖ్యమైన సూచిక. ఇది అతిగా పెరిగితే.. ఫలితాలు విపత్కరంగా ఉంటాయని కొత్త అధ్యయనం హెచ్చరిస్తోంది. గ్లోబల్ చేంజ్ బయాలజీలో పబ్లిష్ అయిన అధ్యయనం ప్రకారం.. అమెరికా, బ్రిటన్ శాస్త్రవేత్తల బృందం ocean acidification కోసం నిర్ణయించిన గ్లోబల్ బౌండరీ (పరిమితి) గురించి పరిశీలించింది. ఈ పరిమితి అంటే.. సముద్ర ఉపరితలంలో అరగోనైట్ సాంద్రత (పలు సముద్ర జీవులు తమ గవ్వలు, అస్థిపంజరాల కోసం ఉపయోగించే కాల్షియం కార్బొనేట్) 20 శాతం తగ్గడం. కంప్యూటర్ మోడల్స్, ఇటీవలి క్షేత్ర కొలతలను అధ్యయనం చేసిన శాస్త్రవేత్తలు.. ప్రపంచ సముద్రాలు ఈ పరిమితిని దాటాయని లేదా చేరుకున్నాయని తేల్చారు. లోతైన సముద్ర జలాల్లో 60 శాతం, ఉపరితల జలాల్లో 40 శాతం ఈ పరిమితిని దాటాయి.

శాస్త్రవేత్తల అభిప్రాయం ప్రకారం.. ఇప్పటికే జరిగిన నష్టాన్ని చూస్తే, ఈ పరిమితిని 10 శాతం తగ్గుదల వద్దే నిర్ణయించాలి. ఈ స్థాయిని సముద్రాలు ఇప్పటికే 2000 సంవత్సరం నాటికి దాటాయి. ధ్రువ ప్రాంతాల్లోని సముద్ర ఉపరితలంలో ocean acidity ఎక్కువగా పెరిగింది. అలాగే లోతైన జలాల్లో ఉత్తర అమెరికా పశ్చిమ తీరం, సమభాగ ప్రాంతాల్లో మార్పులు ఎక్కువగా కనిపిస్తున్నాయి.

Ocean acidity పెరగడం వల్ల సముద్రంలోని పగడపు దిబ్బలు దెబ్బతింటాయి. గవ్వలు తయారుచేసే జీవులకు నీరు అనుకూలంగా ఉండదు. ఇతర సముద్ర జీవులు బలహీనపడతాయి లేదా చనిపోతాయి. ఇది మొత్తం సముద్ర పర్యావరణ వ్యవస్థపై ప్రభావం చూపుతుంది. వాతావరణంలో కార్బన్ డై ఆక్సైడ్ ఎక్కువై, అది సముద్ర జలంలో కలిసినప్పుడు ఈ ఆమ్లత్వం పెరుగుతుంది.

సముద్ర జీవులు కేవలం ఉపరితలంలో మాత్రమే కాదు.. లోతైన జలాల్లో కూడా జీవిస్తాయి. ఈ లోతైన జలాల్లో ocean acidity పెరగడం వల్ల, ఉష్ణమండల, లోతైన సముద్ర పగడపు దిబ్బల వంటి ముఖ్యమైన పర్యావరణ వ్యవస్థలు తీవ్రంగా దెబ్బతింటాయి. ఇవి అనేక జాతులకు ఆవాసం, ఆశ్రయం ఇస్తాయి.

శాస్త్రవేత్తలు నిర్ణయించిన తొమ్మిది ప్లానెటరీ బౌండరీలలో ocean acidification ఒకటి. మరి ఆరు బౌండరీలను మనం ఇప్పటికే దాటాము. ఈ అధ్యయనం ఈ సమస్యకు వేగంగా స్పందించాలని, ఎక్కువగా ప్రభావితమైన ప్రాంతాల్లో తక్షణ చర్యలు తీసుకోవాలని, తక్కువ నష్టం జరిగిన ప్రాంతాలను రక్షించాలని సూచిస్తోంది.

"ఇది కేవలం పర్యావరణ సమస్య కాదు. సముద్ర పర్యావరణ వ్యవస్థలకు, తీర ప్రాంత ఆర్థిక వ్యవస్థలకు ఒక టైమ్ బాంబ్ లాంటిది," అని శాస్త్రవేత్తలు హెచ్చరిస్తున్నారు. పగడపు దిబ్బలు పర్యాటకాన్ని, మత్స్య పరిశ్రమను ఆధారపడిన సమాజాలను ఈ సమస్య తీవ్రంగా ప్రభావితం చేస్తుంది.