ప్యాంటుకు పెట్టుకునే బెల్టు కూడా మీ సంతానలేమికి కారణం కావొచ్చని తెలుసా?

దిశ, వెబ్‌డెస్క్: టైట్ బెల్టులు ధరించడం వల్ల వృషణాల ఉష్ణోగ్రత పెరిగే అవకాశం ఉంది. శుక్రకణాల ఉత్పత్తికి వృషణాలు శరీరంలోని ఇతర భాగాల కంటే చల్లగా ఉండటం అవసరం. టైట్ బెల్టు కడితే నడుము ప్రాంతంలో వేడి పెరిగి, వృషణాల పనితీరు దెబ్బతింటుంది. ఇది శుక్రకణాల నాణ్యతను తగ్గించి, సంతానలేమికి కారణం కావచ్చు.

అదనంగా.. టైట్ బెల్టులు నడుము భాగంలో రక్త సరఫరాను అడ్డుకుంటాయి. రక్త ప్రవాహం తగ్గడం వల్ల వృషణాలు మరియు ఇతర సంతానోత్పత్తి అవయవాల పనితీరు దెబ్బతింటుంది, శుక్రకణాల ఉత్పత్తి తగ్గుతుంది. ఎక్కువ కాలం ఒత్తిడి వల్ల జననాంగాల్లో వాపు, వెరికోసెల్ (వృషణాల్లో రక్తనాళాల వాపు) వంటి సమస్యలు రావచ్చు, ఇవి పురుష సంతానోత్పత్తిని ప్రభావితం చేస్తాయని అధ్యయనాలు సూచిస్తున్నాయి.

టైట్ బెల్టులు అజీర్ణం, యాసిడ్ రిఫ్లక్స్ వంటి జీర్ణ సమస్యలను కూడా కలిగిస్తాయి. ఇవి అసౌకర్యానికి గురిచేస్తాయి. నిరంతరం టైట్ బెల్టులు ధరించడం వల్ల రక్త ప్రవాహం తగ్గి, జననాంగాల సాధారణ పనితీరు దెబ్బతినడంతో పాటు జీర్ణ సమస్యలు కూడా తలెత్తవచ్చు.

ఈ సమస్యలను నివారించడానికి సౌకర్యవంతమైన, సరైన సైజు బెల్టులను ఎంచుకోవాలి. ఇలా చేయడం వల్ల శరీరంలో గాలి ప్రసరణ మెరుగై, అధిక ఉష్ణోగ్రత తగ్గుతుంది. ఎక్కువ సేపు కూర్చున్నప్పుడు విరామాలు తీసుకుని నడుము భాగంలో రక్త ప్రవాహాన్ని మెరుగుపరచుకోవాలి. బెల్టు లేని సౌకర్యవంతమైన దుస్తులను ధరించడం మరింత మంచిది.

పురుషుల సంతానోత్పత్తి మరియు ఆరోగ్యాన్ని కాపాడుకోవడానికి సమతుల ఆహారం, నిత్యం వ్యాయామం, పొగతాగడం, మద్యం వంటి చెడు అలవాట్లను విడిచిపెట్టడం చాలా ముఖ్యం.