Mohanlal Barroz: ఓటీటీలోకి ‘బరోజ్’.. స్ట్రీమింగ్ డేట్ అనౌన్స్ చేసిన డిస్నీ+ హాట్‌స్టార్
దిశ, సినిమా: మలయాళ సూపర్ స్టార్ మోహన్ లాల్(Mohanlal) స్వీయ డైరెక్షన్‌లో వచ్చిన తాజా చిత్రం ‘బరోజ్: గార్డియన్ ఆఫ్ ట్రెజర్’(Barroz3D : Guardian of Treasure). 3Dలో తెరకెక్కిన ఈ మూవీని మోహన్ లాల్ తన సొంతం నిర్మాణ సంస్థ ఆశీర్వాద్ సినిమాస్ బ్యానర్‌పై ఆంటోని పెరుంబవూర్‌‌తో కలిసి నిర్మించారు. గతేడాది క్రిస్మస్ స్పెషల్‌గా తమిళ, తెలుగు, కన్నడ, మలయాళ, హిందీ భాషల్లో విడుదలైన ఈ మూవీ రూ. 150 కోట్ల భారీ బడ్జెట్‌తో రూపొందగా.. కేవలం మిక్సిడ్ టాక్ సొంతం చేసుకుని రూ. 20 కోట్లు మాత్రమే రాబట్టినట్లు తెలుస్తుంది.
అయితే.. ఈ మూవీ డిజిటల్ స్ట్రీమింగ్ (Digital streaming)కు సంబంధించిన ఇప్పటికే అఫీషియల్ అనౌన్స్‌మెంట్ వచ్చిన విషయం తెలిసిందే. ప్రముఖ ఓటీటీ సంస్థ డిస్నీ+ హాట్‌స్టార్ (Disney+ Hotstar) ‘బరోజ్’ స్ట్రీమింగ్ హక్కులను సొంతం చేసుకోగా.. ఇటీవల త్వరలో రాబోతున్నట్లు ప్రకటించింది. ఇప్పుడు స్ట్రీమింగ్ డేట్ ఇచ్చింది ఓటీటీ సంస్థ. ఈ మేరకు రిలీజ్ చేసిన పోస్టర్‌లో జనవరి 22 నుంచి స్ట్రీమింగ్ అందుబాలోకి వస్తు్న్నట్టు తెలిపారు. ప్రజెంట్ ఇందుకు సంబంధించిన పోస్టర్ నెట్టింట వైరల్ అవుతోంది. మైథలాజికల్ థ్రిల్లర్‌గా జీజో పున్నూసే రచించిన నవల ఆధారంగా తెరకెక్కిన ఈ మూవీలో మోహన్ లాల్ లీడ్ రోల్‌లో నటించగా.. తుహిన్ మీనన్, కల్లిర్రోయ్ టిజియాఫెటా, సీజర్ లోరెంటే ప్రధాన పాత్రల్లో కనిపించి మెప్పించారు.
#Barroz3D Streaming in #DisneyPlusHotstar from January 22 👏👏👏 Who all are waiting to Experience #Mohanlal's Directorial Debut 👌👌👌 Waiting for #Barroz Papa 🔥🔥 pic.twitter.com/cepj4KqfBW
— Kerala Box Office (@KeralaBxOffce) January 20, 2025
