HYD: మైనర్‌పై ఓయోలో అత్యాచారం.. నిందితులు అరెస్ట్
దిశ, తెలంగాణ క్రైం బ్యూరో: మాయ మాటలతో మైనర్బాలికను ఓయో లాడ్జీకి తీసుకెళ్లి అత్యాచారం జరిపిన యువకుడితోపాటు అతనికి సహకరించిన మరో ముగ్గురిని గోల్కొండ పోలీసులు అరెస్టు చేశారు. గోల్కొండ తకత్బౌలి ప్రాంతంలో నివాసముంటున్న ఓ మహిళ ఈనెల 14న గోల్కొండ పోలీస్స్టేషన్‌లో ఫిర్యాదు చేసింది. దాంట్లో అంతకుముందు రోజు తన 15 ఏళ్ల కూతురు రాత్రి 7గంటల సమయంలో ఇంట్లో ఎవ్వరికీ చెప్పకుండా బయటకు వెళ్లిందని పేర్కొంది. భర్తతో కలిసి ఎంత వెతికినా కూతురి ఆచూకీ లభించలేదని తెలిపింది. కాగా, 16వ తేదీ తెల్లవారుజాము 3గంటల సమయంలో చోటాబజార్ప్రాంత నివాసి, వృత్తిరీత్యా బైక్మెకానిక్అయిన సయ్యద్నజీరుద్దీన్ఎలియాస్షోయబ్(20) తన కూతురికి బైక్పై తీసుకొచ్చి ఇంటి వద్ద వదిలిపెట్టి పరారయ్యాడని తెలిపింది.
ఈ క్రమంలో పోలీసులు బాధితురాలిని విచారించగా వృత్తిరీత్యా ఎలక్ర్టీషియన్ అయిన తకత్బౌలి నివాసి సయ్యద్అబ్దుల్నదీమ్(23) తనను నజీరుద్దీన్ బైక్పై నెక్నాంపూర్‌లోని ఓయో లాడ్జీకి పిలిపించుకుని అక్కడ తనపై అత్యాచారం చేసినట్టుగా వెల్లడించింది. ఈ క్రమంలో గోల్కొండ పోలీసులు అబ్దుల్నదీమ్, నజీరుద్దీన్‌లపై ఐపీసీ 363, 376(3) రెడ్విత్109, పోక్సో యాక్ట్సెక్షన్5 రెడ్విత్6, 17 ప్రకారం కేసులు నమోదు చేశారు. వీరితోపాటు లాడ్జీలో వీరికి గది అద్దెకు ఇచ్చిన ఓయో లాడ్జీ రిసెప్షనిస్ట్జాన్సింగ్(23), లాడ్జీ యజమాని ముంతా విజయ్(30)లను కూడా కేసులో నిందితులుగా చేర్చారు. నిందితుల్లో అబ్దుల్నదీమ్, షోయబ్‌లను ఈనెల 14న అరెస్టు చేసిన పోలీసులు శుక్రవారం జాన్సింగ్, విజయ్‌లను కూడా అరెస్టు చేసి రిమాండ్‌కు తరలించారు.
