2025 Honda Rebel 500: మార్కెట్లో హోండా రెబల్ 500..ధర, ఫీచర్లు చూస్తే షేక్ అవ్వాల్సిందే

దిశ, వెబ్ డెస్క్: 2025 Honda Rebel 500: జపాన్ ఆటోమొబైల్ కంపెనీ హోండా తన కొత్త బైక్ హోండా రెబెల్ 500 ను భారత్ లో లాంచ్ చేసింది. ఈ 500cc బైక్ దాని అద్భుతమైన లుక్స్,స్పెసిఫికేషన్లతో మార్కెట్లోకి ఎంట్రీ ఇచ్చింది. హోండా రెబెల్ 500 ప్రారంభ ఎక్స్-షోరూమ్ ధర రూ. 5.12 లక్షలుగా కంపెనీ పేర్కొంది. ఈ బైక్ మ్యాట్ గన్‌పౌడర్ బ్లాక్ మెటాలిక్ కలర్‌లో లభిస్తుంది. హోండా రెబెల్ 500 లో ఛార్జింగ్ సాకెట్ కూడా లభిస్తుంది. ఈ బైక్ కోసం బుకింగ్‌లను కూడా కంపెనీ ప్రారంభించింది. ఈ బైక్ ప్రస్తుతం గురుగ్రామ్, ముంబై, బెంగళూరులోని హోండా బిగ్‌వింగ్ డీలర్‌షిప్‌ల ద్వారా అందుబాటులో ఉంది.

హోండా రెబెల్ 500 100 mm వ్యాసం కలిగిన డయల్‌లో అమర్చిన లేటెస్ట్ LCD డిస్‌ప్లేను కలిగి ఉంది. దీని ఇంజిన్ 471 cc, ఇది గరిష్టంగా 34 kW శక్తిని, 43.3 Nm టార్క్‌ను ఉత్పత్తి చేస్తుంది. బైక్ సీటు కొత్త యురేథేన్ ఫోమ్ రోజంతా సౌకర్యం కోసం రూపొందించింది. మీరు ఎక్కువ దూరం ప్రయాణించినప్పటికీ అలసిపోకుండా ఉంటారు. ఇది బోల్డ్ 175mm వృత్తాకార హెడ్‌లైట్, 55mm స్లిమ్ ఇండికేటర్లు, మృదువైన ఓవల్ టెయిల్‌లైట్‌ను కలిగి ఉంటుంది. ఇవి రెబెల్ 500 కి అద్భుతమైన రూపాన్ని ఇస్తాయి. ఈ బైక్ సీటు ఎత్తు 690 మి.మీ. కంపెనీ ప్రకారం, రెబెల్ 500 ప్రారంభం నుండే సౌకర్యవంతమైన, సమతుల్య ప్రయాణాన్ని అందించడానికి రూపొందించింది.

ఈ బైక్‌లో 4 స్ట్రోక్, 8 వాల్వ్ ప్యారలల్ ట్విన్ DOHC, లిక్విడ్ కూల్డ్ ఇంజిన్ అమర్చి ఉంది. ఈ బైక్ కు 6 గేర్లు ఉన్నాయి. ఇది 12 V, 7.4Ah సామర్థ్యం గల బ్యాటరీని కలిగి ఉంది. బైక్ సైజు గురించి మాట్లాడుకుంటే, దాని పొడవు 2205 మి.మీ. వెడల్పు 810 మిమీ, ఎత్తు 1090 మిమీ. దీని వీల్‌బేస్ 1490 మిమీ. ఈ బైక్ కెర్బ్ బరువు 191 కిలోలు, గ్రౌండ్ క్లియరెన్స్ 125 మి.మీ.

ఈ బైక్ ఇంధన ట్యాంక్ సామర్థ్యం 11.2 లీటర్లు. దీనికి స్టీల్ డైమండ్ ఫ్రేమ్ ఉంది. దీని ముందు టైర్ పరిమాణం 130/90-16M/C 67H, వెనుక టైర్ పరిమాణం 150/80-16M/C 71H. ఈ బైక్ కోసం టెస్ట్ డ్రైవ్ సౌకర్యాన్ని కూడా కంపెనీ అందిస్తోంది. ఈ బైక్ బుకింగ్ చేసుకున్న వారికి వచ్చే నెల చివరి వారం నుంచి డెలివరీ చేయనున్నట్లు కంపెనీ ప్రకటించింది. ఈబైక్ గురుగ్రామ్, ముంబై, బెంగళూరులో మాత్రమే లభిస్తుంది.