ఫ్రంట్​లైన్ వారియర్స్​కు 95.55% వ్యాక్సినేషన్

దిశ, తెలంగాణ బ్యూరో : కరోనాను ఎదుర్కోవడంలో భాగంగా ఫ్రంట్​లైన్​వారియర్స్ కు ప్రభుత్వం ఉచితంగా కొవిడ్​ వ్యాక్సినేషన్ చేస్తోంది. ఈ నెల 11 నుంచి 15 వరకూ వ్యాక్సినేషన్ స్పెషల్ క్యాంపెయిన్ ను ప్రభుత్వం చేపట్టింది. అయితే సెలవులు, పండుగలు ఉన్న నేపథ్యంలో అందరికీ వ్యాక్సినేషన్​ పూర్తి చేయలేదు. ఈ నేపథ్యంలో మున్సిపల్​శాఖ పరిధిలో పనిచేస్తున్న వారిలో 95.55శాతం మంది ఫ్రంట్​ లైన్​ వారియర్స్​ కు కొవిడ్​ వ్యాక్సినేషన్​ పూర్తయినట్టు రాష్ట్ర పురపాలక శాఖ మంత్రి కేటీఆర్ ప్రకటించారు. రాష్ట్రంలోని 141 మున్సిపాలిటీల్లోని 95.55 మాతం సిబ్బందికి వ్యాక్సినేషన్​ పూర్తి చేయగా.. జీహెచ్ఎంసీలో 96.19శాతం మందికి కరోనా వ్యాక్సిన్​ పూర్తి చేశామని మంత్రి తెలిపారు. వీలైనంత త్వరగా వందశాతం పూర్తి చేస్తామని మంత్రి వివరించారు.