30 రోజులుగా ZOO బంద్.. 9 సింహాలకు కరోనా.. ఆడ సింహం మృతి

దిశ, వెబ్‌డెస్క్ : దేశంలో కరోనా మహమ్మారి ధాటికి ప్రజలు పిట్టల్లా రాలిపోతున్న విషయం తెలిసిందే. ఇన్నిరోజులు మనుషులను టార్గెట్ చేసిన కరోనా మహమ్మారి ఇపుడు జంతువులను కూడా వదలడం లేదు. తాజాగా ఓ ‘జూ’లోని సింహాలు కరోనా బారిన పడ్డాయి. అందులో మొత్తం 11 సింహాలు ఉండగా తొమ్మిది మృగాలకు కరోనా నిర్దారణ అయ్యింది. ‘నీలా’ అనే తొమ్మిదేండ్ల ఆడ సింహం కరోనా కాటుకు ప్రాణాలు వదిలింది.

ఈ ఘటన తమిళనాడులోని వండలూర్ అరిగ్నార్ అన్నా జూ లో శుక్రవారం ఆలస్యంగా వెలుగుచూసింది. అసలు ట్విస్ట్ ఎంటంటే ఈ ‘జూ’ గత నెల రోజులుగా మూసే ఉంది. తమిళనాడులో కరోనా కేసులు వ్యాప్తి చెందుతుండటంతో రాష్ట్ర ప్రభుత్వం ఆదేశాల మేరకు జూ ను నెలరోజులుగా మూసి ఉంచారు. సందర్శకుల తాకిడి లేకుండా సింహాలకు కరోనా ఎలా సోకిందనే విషయంపై జూ అధికారులు తలలు పట్టుకుంటున్నారు.