70 వేలకు దిగువన కరోనా కేసులు

దిశ,వెబ్‌డెస్క్: దేశంలో కరోనా కేసుల సంఖ్య భారీగా తగ్గింది. బుధవారం కేంద్ర వైద్య ఆరోగ్య శాఖ విడుదల చేసిన బులిటెన్ ప్రకారం.. గడిచిన 24 గంటల్లో కొత్తగా 62,224కరోనా పాజిటివ్ కేసులు నమోదయ్యాయి. దీంతో మొత్తం కరోనా కేసుల సంఖ్య 2.96 కోట్లకు చేరింది. అలాగే నిన్న కరోనాతో 2542 మంది ప్రాణాలు కోల్పోయారు. దీంతో మొత్తం మరణాల సంఖ్య 3,79,573 చేరింది. అలాగే నిన్న 1,07,638 మంది కరోనా నుంచి కోలుకున్నారు. ప్రస్తుతం దేశంలో 8,65,432 యాక్టివ్ కేసులు ఉండగా అందులో కొందరు హోం ఐసోలేషన్‌లో ఉండి చికిత్స పొందుతుండగా మరికొందరు ఆసుపత్రిలో ఉండి చికిత్స పొందుతున్నారు. కాగా భారత్‌లో ఇప్పటి వరకు 26కోట్లమందికి పైగా వ్యాక్సిన్ తీసుకున్నారు.