వరల్డ్ కప్: పాకిస్తాన్ పై గెలిచి చరిత్రను తిరగరాసిన ఆఫ్ఘనిస్తాన్

దిశ, వెబ్‌డెస్క్: వన్డే వరల్డ్ కప్ 2023 లో పెద్ద జట్లకు ఉహించని విధంగా షాక్ లు తగులుతున్నాయి. ఇప్పటికి పసికూన జట్లు.. ఇంగ్లాండ్, సౌతాఫ్రికా వంటి జట్లను ఓడించి అందరిని ఆశ్చర్యానికి గురి చేశాయి. ఈ క్రమంలోనే నిన్న పాకిస్తాన్, ఆఫ్ఘనిస్తాన్ జట్ల మధ్య జరిగిన మ్యాచ్ లో పాక్ జట్టుకు ఊహించని షాక్ తగిలింది. ఈ మ్యాచ్ లో టాస్ గెలిచి బ్యాటింగ్ ఎంచుకున్న పాక్ నిర్ణీత 50 ఓవర్లలో 7 వికెట్లు కోల్పోయి 282 పరుగులు చేసింది. అనంతరం 283 పరుగుల లక్ష్యంతో చేజింగ్‌కి దిగిన ఆఫ్ఘాన్ కేవలం రెండు వికెట్లు కోల్పోయి.. మరో ఆరు బంతులు మిగిలి ఉండగానే లక్ష్యాన్ని ఛేదించారు. దీంతో ఆఫ్ఘనిస్తాన్ జట్టు పాక్ పై 8 వికెట్ల తేడాతో విజయం సాధించి.. పాకిస్తాన్ జట్టుకు షాక్ ఇచ్చింది. అలాగే ఆఫ్ఘనిస్తాన్ జట్టు.. వన్డే చరిత్రలో పాక్ పై మొట్టమొదటి విజయాన్ని నమోదు చేసుకుంది.