మంటలార్పుతుండగా కుప్పకూలిన భవనం

దిశ, వెబ్‌డెస్క్ : తమిళనాడు రాష్ట్రంలో దారుణం చోటుచేసుకుంది. ఓ వస్త్ర దుకాణంలో ప్రమాదవశాత్తు అగ్నిప్రమాదం సంభవించింది. ఈ ఘటన మధురైలోని మీనాక్షి అమ్మవారి ఆలయం దక్షిణ మాడవీధిలో శనివారం ఉదయం వెలుగులోకి వచ్చింది. భారీగా మంటలు ఎగసిపడుతుండటంతో ఫైర్ సిబ్బంది వచ్చి మంటలను అదుపులోకి తీసుకొచ్చే ప్రయత్నం చేశారు.

ఈ క్రమంలోనే బిల్డింగ్ ఒక్కసారిగా కుప్పకూలింది.దీంతో ఆ భవనం శిథిలాల కింద చిక్కుకున్న ఇద్దరు ఫైర్ సిబ్బంది ప్రాణాలు కోల్పోయారు.మరో ఇద్దరిని వెలికి తీసేందుకు అధికారుల ప్రయత్నిస్తున్నారు.మృతులు శివరాజ్, కృష్ణమూర్తిగా గుర్తించారు.