అపార్ట్‌మెంట్ పై నుంచి కిందపడిన యువతి.. దగ్గరకు వెళ్లి షాకైన స్థానికులు

దిశ, వెబ్ డెస్క్: అపార్ట్ మెంట్ పై నుంచి నగ్నంగా కిందపడిన యువతికి తీవ్ర గాయాలైన ఘటన యూపీలో చోటు చేసుకుంది. పోలీసులు తెలిపిన వివరాల ప్రకారం.. పశ్చిమ బెంగాల్ కు చెందిన ఓ యువతికి యూపీలోని నోయిడాలో నివసించే ఓ వ్యక్తి పరిచయం. అయితే, అతడిని కలిసేందుకు నోయిడాకు వచ్చింది. ఆరోజు రాత్రి సమయంలో అపార్ట్ మెంట్ నుంచి ఒక్కసారిగా కిందపడింది. పెద్ద శబ్ధం రావడంతో ఏమైందో అని చూసేందుకు స్థానికులు అక్కిడికి పరుగులు పెట్టారు. అయితే, ఆ సమయంలో యువతి తీవ్ర గాయాలతో నగ్నంగా ఉన్నట్లుగా వారు గుర్తించారు. అనంతరం పోలీసులకు సమాచారం ఇచ్చారు. విషయం తెలుసుకున్న పోలీసులు అక్కడికి చేరుకుని ఆమెను ఆస్పత్రికి తరలించారు. అనంతరం కేసు నమోదు చేసుకుని దర్యాప్తు ప్రారంభించారు.

తీవ్ర గాయాలైన ఆ యువతి ప్రస్తుతం చికిత్స పొందుతున్నదని, పూర్తిగా కోలుకున్న తర్వాత ఆమె నుంచి వివరాలు సేకరిస్తామని పోలీసులు చెప్పారు. అదేవిధంగా ఆమె స్నేహితుడిని కూడా విచారించగా ఆ యువతి అప్పుడప్పుడు అతడిని కలిసేందుకు వస్తూ ఉంటుందని, ఆరోజు నైట్ వాళ్లిద్దరు కలిసి పార్టీ చేసుకున్నారని, మద్యం మత్తులో ఆమె కిటికీ నుంచి కిందపడి ఉంటుందని అతను చెప్పినట్లుగా పోలీసులు తెలిపారు. ప్రస్తుతం విచారణ కొనసాగుతుందని పోలీసులు తెలిపారు.