Flash News: రెండు హెలికాప్టర్లు ఢీ.. ఒకరు మృతి

దిశ, వెబ్‌డెస్క్: అమెరికాలోని న్యూజెర్సీలో రెండు హెలికాప్టర్లు ఢీ కొన్నాయి. హామన్ టన్లో జరిగిన ఈ ప్రమాదంలో ఒకరు మృతి చెందినట్లు అక్కడ వార్తా సంస్థలు వెల్లడించాయి. రెండు హెలికాప్టర్లు ఢీ కొనడంతో భారీఎత్తున మంటలు ఎగసి పడటంతో.. ఆ ప్రాంతం నుంచి దట్టమైన పొగ వెలువడింది. ఈ ప్రమాదంలో మరొకరికి తీవ్రగాయాలు కావడంతో.. ఆస్పత్రికి తరలించి చికిత్స అందిస్తున్నారు. ప్రమాదానికి సంబంధించిన వీడియోలు, ఫొటోలు నెట్టింట వైరల్ అవుతున్నాయి. ఘటనా ప్రాంతంలో సహాయక దళాలు చర్యలు చేపట్టాయి. ప్రమాదంలో ఒక హెలికాప్టర్ పూర్తిగా దగ్ధమవ్వగా.. మరొకటి అటవీప్రాంతంలో కూలిపోయింది.