Air India accident: ఎయిరిండియా ప్రమాదంపై నిపుణుల పరిశీలన

దిశ, నేషనల్ బ్యూరో: ఎయిర్ ఇండియా విమాన ప్రమాద వివరాలను విశ్లేషించడానికి బోయింగ్ నిపుణులు సోమవారం అహ్మదాబాద్ చేరుకున్నారు. 242 మందితో లండన్‌కు వెళ్తున్న బోయింగ్ 787-8 డ్రీమ్‌లైనర్ గురువారం మధ్యాహ్నం సర్దార్ వల్లభాయ్ పటేల్ అంతర్జాతీయ విమానాశ్రయం నుంచి బయలుదేరిన కొద్ది క్షణాల్లోనే అహ్మదాబాద్‌లోని మెడికల్ కాలేజీ కాంప్లెక్స్‌పై కూలిపోగా..ఈ ప్రమాదంలో 11ఏ సీటులో కూర్చున్న ఒక ప్రయాణికుడు తప్ప అందరూ మరణించారు. దాదాపు 30 మంది నేలపై పడి మరణించినట్లు సమాచారం. కాగా డైరెక్టరేట్ జనరల్ ఆఫ్ సివిల్ ఏవియేషన్ (DGCA), ఎయిర్ ఇండియా బోయింగ్ 787-8/9 విమానాల భద్రతా తనిఖీలను మెరుగుపరచాలని ఆదేశించింది. ఈ విమానయాన సంస్థకు 26 లెగసీ బోయింగ్ 787-8లు ఏడు బోయింగ్ 787-9లు ఉన్నాయి.

కాక్‌పిట్ వాయిస్ రికార్డర్ దొరికింది

ఎయిర్ ఇండియా విమాన ప్రమాదంపై దర్యాప్తు చేస్తున్న అధికారులు ఆదివారం కాక్‌పిట్ వాయిస్ రికార్డర్ దొరికిందని ధ్రువీకరించిందని తెలిపారు. ఇది ప్రమాదానికి గల కారణాన్ని నిర్ధారించడంలో వారికి సహాయపడుతుంది. విమానం బ్లాక్ బాక్స్ లేదా ఫ్లైట్ డేటా రికార్డర్ (FDR) కూడా స్వాధీనం చేసుకున్నారు.విమానంలో కీలకమైన డేటాను రికార్డ్ చేసే పరికరం, విమానం ఢీకొన్న హాస్టల్ పైకప్పుపై కనుగొన్నారు.ఎయిర్‌క్రాఫ్ట్ యాక్సిడెంట్ ఇన్వెస్టిగేషన్ బ్యూరో (AAIB) ప్రమాదంపై వివరణాత్మక దర్యాప్తును ప్రారంభించింది విమానం అమెరికాలో తయారైంది కాబట్టి అంతర్జాతీయ ప్రోటోకాల్‌ల ప్రకారం US జాతీయ రవాణా భద్రతా బోర్డు సమాంతర దర్యాప్తును నిర్వహిస్తోంది.

92 డీఎన్ఏలు సరిపోలినట్లు వెల్లడి

అహ్మదాబాద్ సివిల్ హాస్పిటల్ అదనపు మెడికల్ సూపరింటెండెంట్ సోమవారం మాట్లాడుతూ.. ఎయిర్ ఇండియా విమాన ప్రమాదంలో (DNA) నమూనాలు 92 డెడ్ బాడీలకు సరిపోలినట్లు తెలిపారు. మీడియాతో మాట్లాడుతూ, డాక్టర్ రజనీష్ పటేల్ మాట్లాడుతూ, ఇప్పటివరకు 47 మృతదేహాలను వివిధ జిల్లాలకు పంపినట్లు చెప్పారు. 47 మృతదేహాలను ఖేడా, అహ్మదాబాద్, కోటా, మహేసానా, భరూచ్, వడోదర, ఆరావళి, జునాగఢ్, భావ్‌నగర్, అమ్రేలి, మహిసాగర్ భావ్‌నగర్‌లకు పంపించినట్లు అని డాక్టర్ పటేల్ చెప్పారు. కాగా ప్రమాదంలో ప్రాణాలు కోల్పోయిన గుజరాత్ మాజీ ముఖ్యమంత్రి విజయ్ రూపాణీ అంత్యక్రియలు ఈరోజు సాయంత్రం రాజ్‌కోట్‌లో పోలీసు గౌరవ మర్యాదలతో చేయనున్నారు.