పాకిస్థాన్‌పై ఎయిర్‌ స్ట్రైక్స్..ISIS నేతలు మృతి !

దిశ‌, వెబ్ డెస్క్: పాకిస్తాన్ కు ఊహించని షాక్ ఇచ్చింది ఆఫ్ఘనిస్తాన్. మంగళవారం అర్ధరాత్రి పాకిస్తాన్ పై దాడి చేసింది. పాకిస్తాన్ లోని ఐఎస్ఐఎస్ - K స్థావరాలే లక్ష్యంగా ఆఫ్ఘనిస్తాన్ తాలిబన్ ఫోర్సెస్ ఎయిర్ స్ట్రైక్స్ చేశాయి. ఖైబర్ పంఖ్తుఖ్వా, బలూచిస్తాన్ పైన డ్రోన్లతో విరుచుకుపడ్డాయి. ఇక ఈ దాడి నేపథ్యంలో పలువురు ఐఎస్ఐఎస్ నేతలు మృతి చెందినట్లు అధికారికంగా ప్రకటించింది ఆఫ్ఘనిస్తాన్. ఇది ఇలా ఉండగా గత ఆదివారం తమ దేశం పై పాకిస్తాన్ జరిపిన స్ట్రైక్స్ కు ప్రతికారంగానే ఈ దాడులు జరిపినట్లు వెల్లడించింది. త‌మ జోలికి వ‌స్తే, ఊరుకునేది లేదంటూ వార్నింగ్ ఇచ్చింది. అటు ఆఫ్ఘనిస్తాన్ పై పాకిస్తాన్ దాడులను మన ఇండియా కూడా తీవ్రంగా ఖండించింది. ఆఫ్ఘనిస్తాన్ వెనుక తాము ఉన్నామ‌ని మ‌రోసారి భార‌త స‌ర్కార్ స్ప‌ష్టం చేసింది.