వాకింగ్‎కు వెళ్లి నాలాలో పడి మహిళ మృతి

దిశ, వెబ్ డెస్క్ :
వాకింగ్‎ చేస్తూ నాలాలో పడి మృతి చెందింది ఓ మహిళ. ఈ విషాద ఘటన హైదరాబాద్ లోని గడ్డిఅన్నారం డివిజన్‎లో చోటు చేసుకుంది. శరదనగర్‌కు చెందిన సరోజ అనే మహిళ మంగళవారం ఉదయం వాకింగ్‌కు వెళ్లి ప్రమాదవశాత్తు సరూరనగర్ చెరువు కట్ట కింద నాలాలో పడిపోయింది. చైతన్యపురి హనుమాన్ నగర్ నాలాలో సరోజ మృతదేహం లభించింది. సమచారం తెలుసుకున్న పోలీసులు మృతదేహాన్ని ఉస్మానియా ఆస్పత్రికి తరలించారు. కేసు నమోదు చేసిన పోలీసులు దర్యాప్తు చేపట్టారు.