పేలిన సిలిండర్లు.. మహిళ మృతి

దిశ,వెబ్ డెస్క్ : సిలిండర్లు పేలడంతో ఓ మహిళ సజీవదహనం అయిన ఘటన తూర్పుగోదావరి జిల్లా కాకినాడ ఎల్విన్‌పేటలో శుక్రవారం చోటు చేసుకుంది. ఈ ప్రమాదంలో వరసగా ఆరు సిలిండర్లు పేలడంతో భారీగా మంటలు చెలరేగి పక్కనే ఉన్న పూరి గుడిసెలకు వ్యాపించింది. దీంతో మూడు పూరి గుడిసెలు దగ్ధం అయ్యాయి. భారీగా మంటలు చెలరేగడంతో స్థానికులు ప్రాణభయంతో పరుగులు తీశారు. ఈ ఘటనలో విజయలక్ష్మి (40) అనే మహిళ సజీవదహనమైంది. సమాచారం అందుకున్న అగ్నిమాపక సిబ్బంది మంటలను అదుపులోకి తీసుకొస్తున్నారు. పోలీసులు ఘటనా స్థలానికి చేరుకుని సహాయక చర్యలు చేపట్టారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.