షాకింగ్ న్యూస్: ఆటోలో దొరికిన నటుడి మృతదేహం

దిశ, సినిమా : తమిళ సినీ పరిశ్రమలో విషాదం చోటుచేసుకుంది. ‘ప్రేమిస్తే’ సినిమా ద్వారా పరిచయమైన నటుడు విరుచాగాకాంత్ (పళ్లు బాబు) మరణించాడు. కాగా ఆయన మృతదేహం ఓ ఆటోలో లభించడం కంటతడి పెట్టిస్తోంది. ‘ప్రేమిస్తే’ చిత్రంలో ఎలాగైనా హీరో కావాలని ప్రయత్నించే వ్యక్తిగా కనిపించిన పళ్లు బాబు.. ఈ సినిమా తర్వాత అలాంటి ప్రయత్నాలే చేశాడు కానీ వర్కౌట్ కాలేదు. ఒక్క అవకాశం కూడా రాకపోవడంతో కృంగిపోయాడు. ఈ మధ్యే తల్లిదండ్రులు కూడా చనిపోవడంతో మానసికంగా డిస్టర్బ్ అయిన తను.. తిండి కోసం అడుక్కునేవాడని తెలుస్తోంది. ఈ క్రమంలో ఆటోలో పడుకున్న తను ఆకలితో చనిపోయాడని సమాచారం.