వైభవంగా వెంకయ్యనాయుడు మనవరాలి వివాహ వేడుక.. హాజరైన ప్రముఖులు

దిశ, వెబ్‌డెస్క్ : భారత ఉపరాష్ట్రపతి వెంకయ్యనాయుడి మనవరాలి వివాహం ఘనంగా జరిగింది. హైదరాబాద్ శంషాబాద్ విమానాశ్రయంలోని జీఎంఆర్ ఎరినా వేదికగా.. వెంకయ్య నాయుడు కుమారుడు హర్షవర్ధన్-రాధ దంపతుల కుమార్తె నిహారిక వివాహం హైదరాబాద్‌కు చెందిన రవితేజతో గురువారం రాత్రి అంగరంగ వైభవంగా జరిగింది. ఈ వేడుకను వీక్షించి.. వధూవరులను ఆశ్వీరదించడానికి రాజకీయ ప్రముఖులు సహా సినీ ప్రముఖులు సైతం తరలివచ్చారు.

ఈ వివాహానికి తెలంగాణ సీఎం కేసీఆర్ దంపతులు, హర్యానా గవర్నర్ దత్తాత్రేయ, కేంద్రమంత్రి కిషన్‌రెడ్డి, తెలంగాణ కాంగ్రెస్ చీఫ్ రేవంత్‌రెడ్డి, టీడీపీ అధినేత నారా చంద్రబాబునాయుడు, జనసేన అధినేత, పవర్ స్టార్ పవన్ కల్యాణ్‌, చిరంజీవితోపాటు పలువురు మంత్రులు, సినీ ప్రముఖలు హాజరయ్యారు.