హయత్‌నగర్‌లో మహిళ మృతదేహం కలకలం.. దుప్పట్లో చుట్టి తరలింపు

దిశ, వెబ్‌డెస్క్: హైదరాబాద్‌లోని హయత్‌నగర్‌లో అమానుష ఘటన చోటుచేసుకుంది. ఓ గుర్తుతెలియని మహిళ మృతదేహం కలకలం సృష్టించింది. ఈ ఘటన హయత్‌నగర్ సమీపంలోని బాతుల చెరువు వద్ద చోటుచేసుకుంది. వివరాల్లోకి వెళితే.. ఇద్దరు యువకులు ఓ మహిళను చంపి, చాపలో చుట్టి చెరువులో పడేసేందుకు తీసుకెళ్తుండగా స్థానికులు అడ్డుకున్నారు. మహిళ మృతదేహంపై దుస్తులు లేకపోవడంతో ఈ యువకులే హత్యాచారం చేసి ఉంటారని అనుమానం వ్యక్తం చేశారు. యువకుల ప్రవర్తన అనుమానంగా ఉండటంతో పాటు అడిగిన ప్రశ్నలకు సరైన సమాధానం చెప్పకపోవడంతో స్థానికులకు కోపం వచ్చి వారికి దేహశుద్ధి చేశారు. అనంతరం పోలీసులకు సమాచారమిచ్చారు. పూర్తి వివరాలు తెలియాల్సి ఉంది.