స్టేషన్‌ ఘన్‌పూర్‌లో యాక్సిడెంట్.. ఇద్దరు వ్యక్తులు మృతి

దిశ, స్టేషన్ ఘన్‌పూర్: రోడ్డు ప్రమాదం ఇద్దరి ప్రాణాలను బలి తీసుకుంది. ఈ ఘటన జనగామ జిల్లా స్టేషన్‌ ఘన్‌పూర్ మండలం నమిలిగొండ శివారులో మంగళవారం రాత్రి జరిగింది. స్థానికులు తెలిపిన వివరాల ప్రకారం.. స్టేషన్ ఘన్‌పూర్ నుండి జఫర్‌గఢ్ వైపు వెళుతున్న డీసీఎం నమిలిగొండ శివారులో ఎదురుగా వస్తున్న బైక్‌ ఢీ కొట్టుకున్నాయి. ఈ ప్రమాదంలో బైక్‌పై ప్రయాణిస్తున్న పాలకుర్తికి చెందిన ఆలకుంట్ల రాజు (36), శివునిపల్లి గ్రామానికి చెందిన రాజు (35) మృతి చెందారు. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసుకున్నారు. దీనిపై పూర్తి వివరాలు తెలియాల్సి ఉంది.