రేపు సీపీగెట్-2021 ఫ‌లితాలు విడుదల

దిశ, తెలంగాణ బ్యూరో: సీపీగెట్-2021 ఫలితాలను ఉన్నత విద్యా మండలి గురువారం వెల్లడించనుంది. ఈ మేరకు ఉన్నత విద్యా మండలి చైర్మన్ లింబాద్రి బుధవారం ఒక ప్రకటన విడుదల చేశారు. రాష్ట్రంలోని అన్ని వ‌ర్సిటీలు, వాటి అనుబంధ కళాశాలల్లో పీజీ కోర్సుల ప్రవేశాలకు నిర్వహించిన ఉమ్మడి ప్రవేశ పరీక్ష సీపీగెట్-2021 ఫలితాలను ఓయూ వీసీ రవీంద‌ర్ తో కలిసి గురువారం మ‌ధ్యాహ్నం 3.30 గంటలకు విడుదల చేస్తారన్నారు. ఫ‌లితాల కోసం అభ్యర్థులు http://tscpget.com/CPGET వెబ్‌సైట్‌ను సంప్రదించాలన్నారు. ఈ ప్రవేశ పరీక్షను 78,312 మంది ద‌ర‌ఖాస్తు చేసుకోగా, 68,836 మంది పరీక్షలు రాశారన్నారు.