వారెవ్వా...ఒకే వేదికపై హిందూ-ముస్లిం జంటల పెళ్లి !

దిశ, వెబ్ డెస్క్ : ఒకే వేదికపై హిందూ ( HINDU), అదే సమయంలో ముస్లిం (Muslim) జంటల పెళ్లి వేడుక జరిగిన సంఘటన ఎప్పుడైనా చూసారా ? అలా జరగడం అసాధ్యం. కానీ మహారాష్ట్రలో ( Maharastra ) కురుస్తున్న వర్షాల కారణంగా.. హిందూ, ముస్లింల పెళ్లి ఒకే వేదికపై జరిగింది. ఈ అరుదైన సంఘటన మహారాష్ట్రలోని పూణేలో తాజాగా చోటుచేసుకుంది. ప్రస్తుతం రెండు తెలుగు రాష్ట్రాల్లోనే కాకుండా మహారాష్ట్రలో కూడా భారీ వర్షాలు పడుతున్నాయి. ముఖ్యంగా మహారాష్ట్రలోని పూణేలో... భారీ నుంచి అతి భారీ వర్షాలు పడుతున్నాయి.

ఈ నేపథ్యంలోనే.. పూణేలోని వనవాడి ప్రాంతంలో... ఓ హిందూ కుటుంబానికి సంబంధించిన వివాహం కోసం భారీ ఏర్పాట్లు చేశారు. ఆ సమయంలో.. ఈదురు గాలులతో కూడిన భారీ వర్షం చోటుచేసుకుంది. దీంతో టెంట్ల కిందకు కూడా వరద నీరు వచ్చింది. టెంట్ల పై నుంచి కూడా కారణం మొదలైంది. దీంతో ఆ వివాహ వేడుకకు ఆటంకం కలిగింది. ఈ నేపథ్యంలో ముహూర్తం ముగుస్తుందని గ్రహించిన కుటుంబ సభ్యులు వెంటనే పక్కనే ఉన్న ఓ కళ్యాణ మండపానికి పరుగు పరుగున వెళ్లారు.

అదే సమయంలో.. ఆ మండపంలో ఓ ముస్లిం జంట రిసెప్షన్ జరుగుతోంది. దీంతో వాళ్ళ పరిస్థితిని ముస్లిం కుటుంబ సభ్యులకు తెలియజేశారు హిందువులు. పరిస్థితిని అర్థం చేసుకున్న ముస్లిం పెళ్లి వారు.. ఆ హిందూ జంట వివాహాన్ని దగ్గరుండి జరిపించారు. అనంతరం హిందూ అలాగే ముస్లిం జంటలు కలిసి ఫోటోలు కూడా దిగాయి. ఈ ఫోటోలు సోషల్ మీడియాలో వైరల్ కావడంతో... నెటిజెన్స్ స్పందిస్తున్నారు. హిందూ ముస్లిం భాయ్ భాయ్... అంటూ కామెంట్స్ చేస్తున్నారు. బార్డర్ లో ఇండియా వర్సెస్ పాకిస్తాన్ మధ్య యుద్ధం జరుగుతున్న నేపథ్యంలో ఇలాంటి సంఘటన జరగడం.. హాట్ టాపిక్ అయింది.