ఏపీలో తాజాగా ఎన్ని కేసులంటే?

దిశ, వెబ్‌డెస్క్: ఏపీలో కరోనా మహమ్మారి కొనసాగుతోంది. తాజాగా గడిచిన 24 గంటల్లో 1,732 కరోనా పాజిటివ్ కేసులు నమోదు అయ్యాయి. ఈ మేరకు ఆంధ్రప్రదేశ్ వైద్య ఆరోగ్య శాఖ హెల్త్ బులిటెన్ విడుదల చేసింది. తాజా కేసులతో కలిపి మొత్తం కరోనా కేసుల సంఖ్య 8,47,977 కి చేరుకుంది. ఇందులో 20,915 యాక్టివ్ కేసులుండగా 8 లక్షల 20 వేల మంది కరోనా నుంచి కోలుకున్నారు. తాజాగా వైరస్ బారినపడి ఆస్పత్రుల్లో చికిత్స పొందుతున్న 1,761 మంది డిశ్చార్జి అయ్యారు. అంతేగాకుండా కొత్తగా కరోనా బారినపడి 14 మంది మృతిచెందారు. దీంతో మొత్తం మృతుల సంఖ్య 6,828కు పెరిగింది.