కాల్వలోకి దూసుకెళ్లిన కారు..ముగ్గురు మృతి

దిశ, వెబ్ డెస్క్ : అదుపు తప్పి కారుకాల్వలోకి దూసుకెళ్లిన ఘటన తూర్పగోదావరి జిల్లా, ఆత్రేయపురం మండలం లొల్లలాకుల వద్ద చోటు చేసుకుంది. ఈ కారులో ఐదుగురు ప్రయాణిస్తున్నారు. అందులో ఇద్దరు సురక్షితంగా బయట పడగా ముగ్గురు మృతి చెందారు.
వివరాల ప్రకారం.. పశ్చిమ గోదావరి జిల్లా పాలకోడేరు మండలం గొల్లలకోడేరుకు చెందిన వారు శివరాత్రి సందర్భంగా వారి బంధువుల ఇంటికి వెళ్లారు. తిరిగి తెల్లవారుజామున వెళ్తుంటే ఈ ప్రమాదం చోటు చేసుకుంది. వీరిలో వెంకటగణపతి రాజు, సీతారామరాజు సురక్షితంగా బయటపడ్డారు. సురేష్ వర్మ, శ్రీనివాస్, లభ్యం కాగా వెంకటసత్యనారాయణ చనిపోయారు. దీనిపై పోలీసులు కేసు నమోదు చేసుకుని దర్యాప్తు చేస్తున్నారు.