రంజాన్ వేళ ఓ ముస్లిం కుటుంబంలో విషాదం

దిశ, నల్లగొండ: యాదాద్రి-భువనగిరి జిల్లా బీఎన్ తిమ్మాపూర్​లో రంజాన్ వేళ ఓ ముస్లిం కుటుంబంలో విషాదం చోటు చేసుకుంది. గ్రామానికి చెందిన ఎండీ సల్మాన్​ మృతిచెందాడు. బీబీనగర్ ఎయిమ్స్​లో సెక్యూరిటీ గార్డుగా పనిచేస్తున్న సల్మాన్… ఆదివారం సాయంత్రం విధులు ముగించుకొని బైక్ పై ఇంటికి తిరుగు పయనమయ్యాడు. ఈ క్రమంలో మన్నేవారిపంపు సమీపంలో రోడ్డు ప్రమాదం జరిగింది. లారీ ఢీ కొట్టడం వల్ల అతడు తీవ్రంగా గాయపడ్డాడు. దీంతో అతడిని హైదరాబాద్ ఉస్మానియా ఆస్పత్రికి తరలించారు. అతను చికిత్స పొందుతూ సోమవారం మృతి చెందాడు. కేసు నమోదు చేసుకున్న పోలీసులు దర్యాప్తు చేస్తున్నారు.