భార్య బెడ్‌రూం వీడియోను లైవ్ స్ట్రీమింగ్ పెట్టిన భర్త
దిశ, వెబ్‌డెస్క్ : తరతరాలు గుర్తిండిపోయేది వివాహ బంధం. ఏడడుగులు వేసిన వాడు ఏడు జన్మలు తోడు ఉంటాడంటారు పెద్దలు. భార్యను కంటికి రెప్పలా చూసుకుంటూ ప్రేమను అందించాల్సిన భర్త.. ఆమె పట్ల అమానుషంగా ప్రవర్తించాడు. పిల్లలు పుట్టేందుకు పోర్న్ వీడియోల్లో నటించాలని ఒత్తిడి చేశాడు. అంతటితో ఆగకుండా ఆమె సున్నిత అవయవాల్లో వస్తువులను చొప్పిస్తూ.. పైశాచికంగా ప్రవర్తించాడు. బాధితురాలు ఓ వైద్యురాలు కావడం గమనార్హం. ఇందుకు సంబంధించిన వివరాలు ఇలా ఉన్నాయి.
ముంబైకి చెందిన ఫిజియోథెరపిస్ట్(29)కు ఏడేళ్ల క్రితం అదే ప్రాంతానికి చెందిన ప్రముఖ హోటల్ యజమాని కుమారుడితో వివాహం అయింది. అయితే భర్తకు పోర్న్ వీడియోలు చూసే అలవాటు ఉన్నది. బెడ్ రూంలో తరచూ ఆ వీడియోలు చూస్తూ భార్యను కూడా ఆ విధంగానే చేయాలని పట్టుబట్టేవాడు. ఈ క్రమంలో వీడియోలో చూపిన విధంగా భార్య సున్నిత శరీర భాగాల్లో వస్తువులను చొప్పిస్తూ హింసించేవాడు. కాగా, పెళ్లైన ఏడాది నుంచి పిల్లలు పుట్టడం లేదని భర్తతోపాటు అత్తింటి వారు వేధించడం మొదలు పెట్టారు.
పోర్న్ వీడియోలకు అలవాటుపడిన భర్త.. పిల్లలు పుట్టాలంటే పోర్న్ వీడియోల్లో నటించాలని ఆమెపై ఒత్తడి చేశాడు. దీనిలో భాగంగా ఇటీవల ఆమె నిద్రపోతున్న సమయంలో ఓ వ్యక్తికి వీడియో కాల్ చేసి లైవ్ స్ట్రీమింగ్ ఇచ్చాడు. ఈ ఘటనతో ఖంగుతిన్న భార్య.. ఖర్ పోలీసులకు ఫిర్యాదు చేసి పుట్టింటికి వెళ్లిపోయింది. దీంతో వైద్యురాలికి సంబంధించిన డాక్యుమెంట్లు, పాస్ పోర్టుతో సహ ఇతర పత్రాలు ఇవ్వకుండా వేధింపులకు దిగారు. తిరిగి రాకపోతే త్రిపుల్ తలాక్ ఇస్తామని బెదిరింపులకు పాల్పడ్డాడు. భార్య ఫిర్యాదు మేరకు కేసు నమోదు చేసిన పోలీసులు భర్తను అరెస్ట్ చేసి, అతడి ఫోన్‌ను సీజ్ చేసి ఫోరెన్సిక్ ల్యాబ్‌కు పంపారు.
