అబ్బా… ఇక నా వల్ల కావట్లేదు

దిశ, వెబ్ డెస్క్: ఇంటి నుంచి కాలు బయటపెట్టి అలా కొంతదూరం వెళ్లారో లేదో అలా అగ్నిగుండం. దీంతో కర్చీఫో.. తువ్వాలనో నెత్తిపై పెట్టుకుని వెళ్దామంటే వేడి గాలులతో మా వల్ల అయితలేదు.. ఇంట్లో ఉంటే ఉక్కపోత.. ఇలా నా వల్ల కావట్లేదు అనుకుంటూ ప్రజలు తీవ్ర అవస్థలు పడుతున్నారు. రాష్ట్రంలో ఎండలు దంచి కొడుతున్నాయి. వేడి గాలులు వీస్తున్నాయి. సాధారణం కంటే అధికంగా ఉష్ణోగ్రతలు నమోదవుతున్నాయి. గత నాలుగైదు రోజుల నుంచి ఇలాగే నమోదవుతున్నాయి. రాజస్థాన్ నుంచి విదర్భ మీదుగా వేడి గాలులు వీస్తున్నందున రాష్ట్రంలో అత్యధిక ఉష్ణోగ్రతలు నమోదవుతున్నాయని వాతావరణ శాఖ తెలిపింది. మరో రెండు మూడు రోజులపాటు ఇలాగే అత్యధిక ఉష్ణోగ్రతలు నమోదు కానున్నాయని, ప్రజలు జాగ్రత్తగా ఉండాలని సూచించింది.