పాల ప్యాకెట్ ​కోసం వెళ్లిన బాలుడు..

దిశ, చార్మినార్ : పాల ప్యాకెట్​ కోసం ఇంటి నుంచి వెళ్లిన బాలుడు అనుమానస్పద స్థితిలో అదృశ్యమయిన సంఘటన చాంద్రాయణగుట్ట పోలీస్​ స్టేషన్​ పరిధిలో జరిగింది. చాంద్రాయణగుట్ట ఎస్ఐ గోవర్ధన్​ రెడ్డి తెలిపిన వివరాల ప్రకారం.. చాంద్రాయణగుట్ట మహ్మద్​నగర్‌కు చెందిన షేక్​ సమీర్​ వృత్తి రిత్యా లేబర్. ఇతనికి ఆరుగురు సంతానం. ముగ్గరు కుమారులు, ముగ్గురు కుమార్తెలు ఉన్నారు. చిన్న కుమారుడు షేక్​ అఖిల్​(13), 24 వ తేదీన స్థానిక కిరాణా దుకాణానికి పాల ప్యాకెట్​ కోసమని వెళ్లాడు. ఇప్పటి వరకు తిరిగి రాలేదు. షేక్​ అఖిల్​ ఆచూకి కోసం బంధువుల ఇళ్లలో వెతికినప్పటికీ ప్రయోజనం కనిపించకపోవడంతో ఈ నెల 25వ తేదీన తండ్రి షేక్​ సమీర్​ చాంద్రాయణగుట్ట పోలీస్​స్టేషన్‌లో ఫిర్యాదు చేశారు. అతను ఇచ్చిన ఫిర్యాదు మేరకు చాంద్రాయణగుట్ట పోలీసులు కేసును నమోదు చేసుకుని దర్యాప్తు చేస్తున్నారు.