Telangana News: SR నగర్‌లో దారుణం.. ఫ్రెండ్‌పై పెట్రోల్ పోసి నిప్పటించిన యువకులు

దిశ, వెబ్‌డెస్క్: హైదరాబాద్ ఎస్ఆర్ నగర్‌లో యువకులు హంగామా సృష్టించారు. ఎర్రగడ్డ మెంటల్ ఆసుపత్రి గ్రౌండ్‌లో ఆదిల్ అనే యువకుడిపై పెట్రోల్ పోసి సజీవదహనం చేయబోయారు. 90 శాతం కాలిన గాయాలతో బాధితుడు ఆస్పత్రిలో చికిత్స పొందుతున్నాడు. అయితే, ఈ హత్యాయత్నానికి పాల్పడిన వారు ఇద్దరు పాత నేరస్థులుగా పోలీసులు గుర్తించారు. పాత కక్షలను మనసులో పెట్టుకున్న నిందితులు అజర్, అలీ అనే ఇద్దరు యువకులు, ఆదిల్‌కు మిత్రులే అని పోలీసులు నిర్ధారించారు. ఈ విషయం తెలిసిన వెంటనే హుటాహుటిన ఘటనా స్థలానికి చేరుకున్న పోలీసులు కేసు నమోదు చేసుకున్నారు. హత్యాయత్నం చేసిన ఇద్దరికీ నేర చరిత్ర ఉందని, గతంలో పలు దొంగతనం కేసుల్లో జైలు పాలయ్యారని గుర్తించారు.