Weekly Horoscope: వృషభ రాశిలో త్రిగ్రహ కూటమి.. ఈ 4 రాశుల వారికి తిరుగులేని అదృష్టం!

జ్యోతిష్య శాస్త్రం ప్రకారం.. గ్రహాల సంచారం రాశి చక్రములోని 12 రాశుల పై ప్రభావం చూపుతుంది. ఈ వారం ముఖ్యంగా రవి, బుధ, శుక్రుల కలయిక, అలాగే కుజుడు, శని దేవుడి స్థానాలు అన్ని రాశుల వారిపై ప్రత్యేక ప్రభావాన్ని చూపిస్తున్నాయి. ఈ వారం వృషభ రాశిలో ఒకేసారి మూడు ముఖ్య గ్రహాలు(రవి, బుధ, శుక్రుల) సంచరిస్తూ ప్రత్యేక కూటమిని ఏర్పరుస్తున్నాయి. అయితే.. వృషభ రాశిలో సూర్యుడి(రవి) సంచారం వల్ల సమాజంలో గౌరవ మర్యాదలు, ప్రభుత్వ పనుల్లో అనుకూలత పెరుగుతాయి. ముఖ్యంగా వృషభ, సింహ, కన్య రాశుల వారికి ఇది లాభిస్తుందని జ్యోతిష్య నిపుణులు చెబుతున్నారు. ఈ వారం(మే 31 నుంచి జూన్ 07) గ్రహాల కలయిక బట్టి 12 రాశులకు ఎలా ఉండబోతుందో ఇక్కడ తెలుసుకుందాం.

మేష రాశి

ఈ రాశి వారికి ఈ వారం మీకు మిశ్రమ ఫలితాలు ఉంటాయి. ప్రారంభంలో పనుల్లో కొంత జాప్యం జరిగినా, వారాంతానికి అన్నీ సక్రమంగా పూర్తి చేస్తారు. ఆఫీసులో మీ పనితీరుకు పై అధికారుల నుంచి ప్రశంసలు దక్కుతాయి. వ్యాపారస్తులు భాగస్వాములతో మాట్లాడేటప్పుడు సంయమనం పాటించడం మంచిది. ఆదాయం బాగుంటుంది. అయితే, విలాస వస్తువులపై ఖర్చులు పెరిగే అవకాశం ఉంది. కుటుంబంలో చిన్నపాటి విభేదాలు వచ్చే సూచనలు ఉన్నాయి, కాబట్టి మాట తీరు పై నియంత్రణ అవసరం. ఆరోగ్యం సాధారణంగా ఉంటుంది, వాతావరణ మార్పుల వల్ల వచ్చే చిన్నపాటి ఇబ్బందులు ఉండవచ్చు.

వృషభ రాశి

గ్రహాల అనుకూలత వల్ల ఈ వారం మీకు చాలా ఉత్సాహంగా సాగుతుంది. ఆత్మవిశ్వాసంతో ముందడుగు వేస్తారు. ఉద్యోగంలో మీపై ఉన్న అదనపు బాధ్యతలను విజయవంతంగా పూర్తి చేస్తారు. వ్యాపారంలో ఆశించిన లాభాలు అందుతాయి, నూతన పెట్టుబడులకు అనుకూల సమయం. గతంలో నిలిచిపోయిన డబ్బులు చేతికి అందుతాయి. ఆర్థికంగా ఎటువంటి ఇబ్బందులు ఉండవు. జీవిత భాగస్వామితో సత్సంబంధాలు మెరుగవుతాయి. మానసిక ప్రశాంతత లభిస్తుంది. ఆరోగ్యం సహకరిస్తుంది.

మిథున రాశి

ఈ వారం మీకు ఎంతో కాలంగా ఎదురు చూస్తున్న శుభవార్తలు అందుతాయి. కొత్త పరిచయాలు ఏర్పడతాయి. నిరుద్యోగులకు మంచి ఉద్యోగ అవకాశాలు లభిస్తాయి. ఉద్యోగస్తులకు ప్రమోషన్ లేదా స్థానచలనం ఉండే అవకాశం ఉంది. భూమి లేదా వాహన కొనుగోలు ప్రయత్నాలు ఫలించేలా ఉన్నాయి. ఆర్థిక పరిస్థితి గతం కంటే మెరుగ్గా ఉంటుంది. కుటుంబ సభ్యుల మధ్య ఆనందకర వాతావరణం ఉంటుంది. విందు, వినోద కార్యక్రమాల్లో పాల్గొంటారు. ఆరోగ్యం బాగుంటుంది.

కర్కాటక రాశి

ఈ వారం పనుల ఒత్తిడి కారణంగా కొంత అలసటకు లోనవుతారు. ముఖ్యమైన నిర్ణయాలు తీసుకునేటప్పుడు తొందరపాటు వద్దు. కార్యాలయంలో సహోద్యోగుల నుండి ఆశించిన సహకారం అందకపోవచ్చు. వ్యాపార రంగంలో ఉన్నవారికి లాభాలు సాధారణంగా ఉంటాయి, పనుల్లో కాస్త ఓపిక అవసరం. అనవసరపు ఖర్చులు పెరగవచ్చు. ముందస్తు ప్రణాళిక లేకుండా డబ్బు ఖర్చు చేయడం మంచిది కాదు. కుటుంబంలో పెద్దల ఆరోగ్యం విషయంలో శ్రద్ధ వహించండి. ప్రయాణాల సమయంలో జాగ్రత్త అవసరం.

సింహ రాశి

ఈ రాశి వారికి ఈ వారం సమాజంలో కీర్తి ప్రతిష్టలు పెరుగుతాయి. మీరు తలపెట్టిన పనులన్నీ సకాలంలో పూర్తవుతాయి. మీ నాయకత్వ లక్షణాలను అందరూ గుర్తిస్తారు. వ్యాపారంలో నూతన మార్కెట్లను అన్వేషించడానికి, కొత్త ఒప్పందాలు చేసుకోవడానికి ఇది సరైన సమయంగా చెప్పవచ్చు. ఆకస్మిక ధనలాభం సూచిస్తోంది. పాత అప్పులు తీర్చగలుగుతారు. కుటుంబ వాతావరణం ఆహ్లాదకరంగా ఉంటుంది. బంధువులతో ఉన్న పాత మనస్పర్థలు తొలగి పోతాయి. ఆరోగ్యం బాగుంటుంది. వైవాహిక జీవితం సంతోషకరంగా ఉంటుంది.

కన్య రాశి

ఈ వారం పనులన్నీ ప్రణాళికాబద్ధంగా సాగుతాయి. మానసిక సంతోషం లభిస్తుంది. కార్యాలయంలో మీ ప్రతిభకు తగిన గుర్తింపు, పురస్కారాలు లభించే అవకాశం ఉంది. వ్యాపారంలో స్థిరమైన ప్రగతి కనిపిస్తుంది. దీర్ఘకాలిక పెట్టుబడులకు ఈ వారం ఎంతో అనుకూలం. పొదుపుపై దృష్టి పెడతారు. పాత స్నేహితుల కలయిక ఆనందాన్ని ఇస్తుంది. కుటుంబ సభ్యులతో కలిసి సరదాగా గడుపుతారు. ఆరోగ్యం బాగుంటుంది. మరిన్ని మంచి ఫలితాల కోసం ఇష్టదైవాన్ని ఆరాధించండి.

తులా రాశి

ఈ వారం ఖర్చుల విషయంలో మరియు ఇతరులతో మాట్లాడేటప్పుడు జాగ్రత్తగా ఉండాలి. మీపై పనిభారం పెరుగుతుంది, కానీ మీ శ్రమకు తగ్గ గుర్తింపు లభిస్తుంది. వ్యాపారంలో భాగస్వాములతో చిన్నపాటి విభేదాలు రావచ్చు, సామరస్యంగా పరిష్కరించుకోండి. రాబడి బాగున్నా, అంతే స్థాయిలో ఖర్చులు కూడా ఉంటాయి. ఎవరికీ పెద్ద మొత్తంలో అప్పులు ఇవ్వవద్దు. ఇంట్లో శుభకార్యాల గురించిన చర్చలు జరుగుతాయి. మానసిక ఒత్తిడి కారణంగా తలనొప్పి వంటి చిన్నపాటి సమస్యలు రావచ్చు.

వృశ్చిక రాశి

ఈ వారం ఈ రాశి వారికి అనుకూల ఫలితాలు కలుగుతాయి. శత్రువులపై విజయం సాధిస్తారు. కోపాన్ని అదుపులో ఉంచుకుంటే మరిన్ని సత్ఫలితాలు పొందుతారు. కష్టపడి పనిచేసే గుణం ఈ వారం మీకు మంచి పేరు తెచ్చిపెడుతుంది. వ్యాపార రంగంలోని వారికి పోటీదారుల నుంచి ఉన్న సమస్యలు తొలగిపోతాయి. ఆర్థిక ఇబ్బందుల నుండి గట్టెక్కుతారు. బకాయిలు వసూలవుతాయి. సంతాన పరంగా ఉన్న ఆందోళనలు తొలగిపోతాయి. ఆధ్యాత్మిక కార్యక్రమాల్లో పాల్గొంటారు. ఆరోగ్యం నిలకడగా ఉంటుంది.

ధనస్సు రాశి

ఈ వారం మీకు అన్ని రంగాలలోనూ సానుకూల ఫలితాలు కనిపిస్తున్నాయి. కొత్త ఆశలు చిగురిస్తాయి. కొత్త ఉద్యోగాన్వేషణలో ఉన్నవారికి సానుకూల స్పందన వస్తుంది. వ్యాపార విస్తరణకు చేసే ప్రయత్నాలు సఫలమవుతాయి. అనుకోని వనరుల నుంచి ధనలాభం కలుగుతుంది. షేర్ మార్కెట్ లేదా ఇతర పెట్టుబడుల నుండి లాభాలు అందుతాయి. పిల్లల చదువులు లేదా కెరీర్ పరంగా సంతోషకరమైన వార్తలు వింటారు. కుటుంబ సభ్యుల మద్దతు ఎప్పుడూ ఉంటుంది. ఆరోగ్యం బాగుంటుంది.

మకర రాశి

ఈ వారం ఓపికతో వ్యవహరిస్తే అనుకున్న పనులన్నీ నెరవేరుతాయి. పనుల్లో కొంత ఆలస్యం జరిగినా నిరాశ చెందవద్దు. ఆఫీసులో రాజకీయాలకు దూరంగా ఉండటం మంచిది. కేవలం మీ పనిపై మాత్రమే దృష్టి పెట్టండి. వ్యాపారంలో లాభాలు సాధారణంగా ఉంటాయి. గృహ అవసరాల కోసం ఖర్చులు పెరుగుతాయి. బడ్జెట్ ప్రకారం నడుచుకోవడం అవసరం. కుటుంబ సభ్యుల మధ్య అవగాహన లోపించకుండా చూసుకోండి. సరైన సమయానికి ఆహారం, విశ్రాంతి తీసుకోవడం ముఖ్యం.

కుంభ రాశి

ఈ రాశి వారికి గ్రహాల అనుకూల స్థితి వల్ల మీ ఆశయాలు నెరవేరే వారం ఇది. మీ ఆలోచనలు కార్యరూపం దాల్చుతాయి. కార్యాలయంలో మీ స్థానం బలోపేతం అవుతుంది. సహోద్యోగుల మద్దతు లభిస్తుంది. వ్యాపారులకు ఈ వారం మంచి లాభాలు వచ్చే సూచనలు ఉన్నాయి. ఆర్థికంగా మంచి పురోగతి ఉంటుంది. పాత పెట్టుబడుల నుండి ఆదాయం లభిస్తుంది. జీవిత భాగస్వామితో కలిసి దూర ప్రయాణాలు లేదా పుణ్యక్షేత్రాల దర్శనం చేసుకునే అవకాశం ఉంది. ఆరోగ్యం చాలా బాగుంటుంది.

మీన రాశి

ఈ వారం మీ కష్టానికి తగిన ప్రతిఫలం లభిస్తుంది. ఆత్మవిశ్వాసంతో పనులు పూర్తి చేస్తారు. ఉద్యోగంలో మీ ప్రతిభను పైఅధికారులు గుర్తిస్తారు. కొత్త బాధ్యతలు వచ్చే అవకాశం ఉంది. వ్యాపార రంగంలో లాభాలు నిలకడగా సాగుతాయి. ఆదాయం తృప్తికరంగా ఉంటుంది. ధార్మిక లేదా సామాజిక సేవా కార్యక్రమాలకు డబ్బు ఖర్చు చేస్తారు. కుటుంబంలో శాంతి, సంతోషాలు నెలకొంటాయి. చిన్ననాటి మిత్రులను కలిసి పాత జ్ఞాపకాలను నెమరువేసుకుంటారు. ఆరోగ్యం అనుకూలిస్తుంది. రాహువు మీనంలో ఉండటం వల్ల ఆధ్యాత్మిక చింతన పెరిగిన, కొన్నిసార్లు మానసిక గందరగోళం ఏర్పడవచ్చు. కేతువు కన్యలో ఉండటం వల్ల రీసెర్చ్, విశ్లేషణ, వైద్య రంగాల వారికి అనుకూల ఫలితాలు వస్తాయి. ఇష్టదైవారాధన మేలు చేస్తోంది.