తల్లిని చంపిన తనయుడు.. ఆపై ఆత్మహత్య

దిశ, భూదాన్ పోచంపల్లి : నవమాసాలు మోసి.. కని పెంచిన తల్లిని ఓ కొడుకు హతమార్చాడు. ఈ ఘటన యాదాద్రి భువనగిరి జిల్లా భూదాన్ పోచంపల్లి మండల పరిధిలోని పెద్ద రావులపల్లి గ్రామంలో సోమవారం చోటు చేసుకుంది. గ్రామానికి చెందిన సంఘం శ్రీనివాస్ మద్యానికి బానిసై రోజు తాగి వస్తుండడంతో తరచుగా గొడవలు జరిగేవి. ఈ నేపథ్యంలో భార్యతో గొడవపడి ఆదివారం చితకబాదాడు. భార్యకు తీవ్ర గాయాలు కావడంతో ఆసుపత్రికి తరలించారు. సోమవారం తల్లి సంఘం పోచమ్మతో గొడవపడి హతమార్చినట్లు స్థానికులు చెబుతున్నారు. ఆపై తాను కూడా ఆత్మహత్య చేసుకొని మరణించినట్లు సమాచారం. పూర్తి వివరాలు తెలియాల్సి ఉంది.