హైదరాబాద్‌లో నేడు, రేపు పలు MMTS రైళ్లు రద్దు

దిశ, వెబ్ డెస్క్: వివిధ రకాల నిర్వహణ కారణాల (Operational Reasons) రీత్యా సికింద్రాబాద్, హైదరాబాద్ డివిజన్ల పరిధిలో నడిచే పలు MMTS రైళ్లను మే 11 (సోమవారం), మే 12 (మంగళవారం) తేదీల్లో రద్దు చేస్తున్నట్లు దక్షిణ మధ్య రైల్వే ప్రకటించింది. ఈ ప్రకటన ప్రకారం.. ఉందానగర్ – లింగంపల్లి, లింగంపల్లి – ఫలక్‌నుమా, ఫలక్‌నుమా – లింగంపల్లి, ఫలక్‌నుమా – ఉందానగర్ మధ్య నడిచే రైళ్లను అధికారులు రద్దు చేశారు. అలాగే సికింద్రాబాద్ - ఫలక్‌నుమా, సికింద్రాబాద్ - ఉందానగర్ మధ్య నడిచే కొన్ని సర్వీసులను పాక్షికంగా రద్దు చేశారు. ప్రయాణికులు ఈ మార్పులను గమనించి తమ ప్రయాణాలను ప్లాన్ చేసుకోవాలని రైల్వే శాఖ సూచించింది.

ఎంఎంటీఎస్ ఆధునీకరణ.. మెట్రో, ఆర్టీసీతో అనుసంధానం